Yekejelai : Benim sana koşmaktan dizlerim kan revan içinde, sen hala çakıl taşı bahane ediyorsun.

 Betinden
 Sebap [off]
 29.01.2025 / 20:51
 Lekum dinukum we liýe din

Aýlan bu dünýäniň dürli künjegin,
Görkez, görmedigni gara gözlere.
Asyl,
Gözelligi,
Yhlas etseňem,
Sygdyryp bilmersiň gözel sözlere.

Özge ýurtlaň
Dillerini öwrenseň,
Öz diliňde pikir ýöretseň mydam.
Howlukdyrsa,
Amallaryň haýryna,
Dünýä bilen deň aýlanýan bir mukam.

Ýat illerde
Watandaşyňa duşup,
Aýlardan, günlerden söhbet edilse.
Ýoluň nirde soňlanjagyn bilersiň,
Baky bagtyň gözlegine gidilse.
***

Bir bakyşda söýgi döremez asla

Bilseň,
Hak söýgiňe gowuşdygyňdyr,
Geçip ähli nätanyşlaň deňinden,
Ýyllarboýy tanap ýören adamyň,
Bir gün
Söýgiň bolup çyksa öňüňden.

Bir bakyşda
Söýgi döremez asla,
Aýtsa-da gözleriň halaýanyňy.
Çünki
Düşün,
Owal-ahyr dünýäde
Nätanyş adama aşyk bolunýar,
Söýüp bolýar diňe
Tanaýanyňy.
***

Nemli didelerňe ýagyş damdymy?!
Kalbyňda ýyldyrym çakypdyr öýdýän.
Ýürekdeş saýanyň derdiň aňdymy?!
Ah, olam janyňy ýakypdyr öýdýän.

Yşkyň hakydasy-soňlanmaz gussa,
Tutaryk ykbaldan öýkelemäge.
Ynsan käte ynsanlygyndan arsa,
Başlaýar göwnüni ýekelemäge.

Yhlas ynjar,
Umyt ynjar mydama
Sergezdan hyýala ser, baş bolmakdan.
…Eden hatasyny bilýän adama,
Agyr jeza ýokdur bagyşlanmakdan.

****

Ýanyp duran hyjuwy dek jahylyñ,
Hakykat ejizdir özün bukardan.
Kesdirip gylyja öz duran gynyn,
Büdretdiň göwnümi,
Bolup ýykarman.

Ýalbarsamam huzuryndan gaýtmadyň,
Ertirleri tüm görünýän şol günüň.
Sen meň syrym dostuma-da aýtmadyk,
Men seň ile berýän soňsuz gürrüňiň.

Ýoluňa ýagtylyk düşeýän güneş,
Kölegäň mazamlar del nazarlara.
Bolmanda käteler özüňe geňeş,
Ugruň Gündogarmy,
Günbatarlara?!

Mylaýym ýylgyryş, hoşamaý dide,
Owal-ahyr arzymany her kimiň.
…Aýt,
Kimsäniň syny gider sergide,
Tegmil degen peýzažyna bagtymyň.

…Ýan-ýodaň bezegi elwan nagyşly
Gülleri-de basga alyp gitdiň sen.
Mertdiň welin,
Şol gezeg-ä bagyşla,
Namardyňam etmejegin etdiň sen.

Awtory: Gurbansähet Gurbansähedow

Teswir ýazmak üçin Içeri giriň ýa-da Agza boluň →!