Bezzat : Her 5 minutdan girip indä ýazandyr diýjek derejede söýdik... #Bezzat

Premium
 Admin [on]
 03.02.2024 / 17:16
 Başarmajak oýnuňy oýnap oturma jan jigim!

Banan gabygyny dogry we peýdaly ulanmaklygyň birnäçe ýolunyň bardygyny bilýäňizmi? Ine, banan gabygynyň dürli ulanylyşy:

— Eger-de ýüzüňizde düwürtik bar bolsa we bu sizi ynjalyk edýän bolsa, banan gabygy düwürtikleri azaltmaga kömek edýär. Sebäbi banan gabygynda C we E witaminleri, kaliý, sink hem-de demir bar. Bu iýmit toparlary çişen derini köşeşdirip, düwürtikleri azaldýar. Banan gabygyny deriňize süreniňizden soň, 10 minut garaşyp, soňra ýyly suw bilen ýuwuň. Bu melhemi günde 2 gezek gaýtalaň we netijesini görüň!

— Kofe we çaý ýaly käbir içgileri içenimizden soň dişlerde döreýän sary tegmilleri azaltmaga kömek edýär. Çünki banan gabygy kaliýa örän baýdyr. Dişleriňizi ýuwuň we gowy ýuwlandan soň bananyñ gabygyny dişleriňize 2 minutlap sürtüň. Dişleriňizi ýene gaýtadan ýuwuň we muny her gün gaýtalaň. Şeýlelikde, wagtyň geçmegi bilen dişleriňiziň nähili derejede üýtgändigini görersiňiz!

— Kümüş gap-gaçlaryň reňki wagtyň geçmegi bilen garalyp başlaýar. Eger siziň öýüňizde hem reňki garalan şeýle gap-gaçlaryňyz bar bolsa onda haýal etmän banan gabygyny alyň we blenderde goýuň. Garyndynyň içine ýarym bulgur suw goşup ony pasta görnüşe gelýänçä gowy edip garyň. Taýýarlan garyndyňyzy birnäçe minut kümüş gap-gaçlaryňyza gowy edip sürtüň. Soňra ony arassa çyg mata bilen süpüriň. Onuň nähili derejede ýalpyldaýandygyna öz gözüňiz bilen şaýat bolarsyňyz.
Onda näme, banan gabygyny zibil gutularyna zyňmazyňyzdan ozal ýene-de bir gezek pikirlenip görüň!

Teswir ýazmak üçin Içeri giriň ýa-da Agza boluň →!