BAYOGUL : SONKY TÜÝKÜLÜK SAKGAL EZMEZ

 Özümiziňki
 Hyyalbent [off]
 19.02.2025 / 13:23

Sowuk howa aslyşyp dur,
Üçekleriň erňeginden.
Iki gumry gyslyşyp dur,
Gyş gününiň ýelgininde.

Sen: «Aldadym gelnejemi,
diýip «basym gelerin-le».
Diýdiň: «Gara penjegiňi,
Geý, indiki geleniňde».

Dostumyňky ol penjegem,
Bir günlüjek diläp aldym.
... Görmez ýaly hut gelnejeň
Seni oňa dolap aldym.

Häp-häzirem kibtiň gysyp,
Asylyp dursuň boýumdan.
Hem aglaýaň, sesiň kesip
gülen bolýarsyň oýundan.

Bir gün sowuk ara düşüp,
Bir-birekden sowaşdyrdy.
Gör, seň bagtyň nirä düşüp,
Gaýry bir oba aşdyrdy?!

Sowap galdy gujagym-da,
Ornunda gün, ýeller örlän.
Sen özgäniň gujagynda,
Ýylysyny özge görýär.

Sen ömürlik gözden ýitdiň,
Aýtmadyň sen geljegiňem.
Iň bolmanda, görmän gitdiň
täze alan penjegimem...

Goçmyrat Orazberdiýew

Teswir ýazmak üçin Içeri giriň ýa-da Agza boluň →!