Özümiziňki
 yurekdes [off]
 05.02.2024 / 00:33
 Her dünýäñ öz dünýasi bar, dünýäde💕

Gözlerim ýetmedi duýgularyňa,
Sözlerim bilenem aýdyp bilmedim.
Beletsiň belki-de meň gylygyma,
Tenim içre tüweleý deý düwledim.

Ýülmedim ne gözel arzuwlarymy,
Serhetden geçmäge gurbum çatmady.
Uzakda şagallaň uwlamalary,
Ot berdi gursaga
Ahyr çatlady.

Emr edere ne erk galdy, ne ýürek,
Ýarym aý dek bir bölegim hüýt gara.
Şu hal gelip alyp gitse batbörek
Sesim çykmaz gökde bürgüt tüýtse-de.

Bir bişowyň bijesi men, gözgyny
Boýny burlan hyýallaryň ýesiri.
Ýöne bagtlylaryň nesibi bolup,
Asla gama batyrmaryn bu ili.

Bir goşgy ýazaryn, okap bererin,
Diňläp ýylgyrarsyň, ýöne köýmersiň.
Meni özüň bilen äkitmersiň hiç,
Hem hiç haçan özüme-de goýmarsyň.

Alakjap ulukjyn açaryn ýolda.
Şagal däldir bir uwwuldy eşitseň.
Gözlerim ýetmedi duýgularyňa,
Nädeýin söz bilen aýdyp bilmesem.

© Maksatmyrat ÇARYÝEW

Teswir ýazmak üçin Içeri giriň ýa-da Agza boluň →!