Öwreniji
 Plany [off]
 05.02.2024 / 01:04

Bagt näme?” diýýäňmi?!
Men-dä şol!
Seret gözüme!
Şu çaka çen aňmadyňmy?!
Gije-gündiz salgy:m tapman,
Kalbyň dara bagladyňmy?
Gyw, dur, duraweri!
Onçakly uzagam-a däl,
Ses ýetimlik golaýyňda.
“Duýdurmadyň” diýýäňmi?!
Men Bagt ahyryn!
Biraz syrly bolaýyn-da!

Indi duýduň.
Gaçmagymam ahmal
Badyhowa ýeller bilen.
Ýet-dä hany, ýetebilseň,
Geçebilseň özgelerden!
“Garaş!” diýme, men has gedem
Seniň üçin özgererden.

Durnuksyzlyk — ýigrenýänim.
Ýa ýalan bol, ýa tutuş çyn.
Ýene durup oýlanýarsyň
Hem diýýärsiň: “Sen kim?”
Men şu çaka çen ýetdirmedik,
Enteklerem ýetdirmejek
Symrug guşuň,
Arzuw guşuň,
Bagt guşuň
Laçyn-da men!

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!