King-official : Tek isteğim seni bir ömür boyu sevmek

 Gytyndan
 yurekdes [off]
 23.05.2025 / 23:45
 "Meñ ýűregim sowady indi gelme űşärsiñ"

Biziñ söýgimizden hiç zat galmady,
Yzymyzy süpürip ýör süwsegär.
İndi saña gerekmejek ýüregmi,
Başyn ogşap, gamgyn ýeller hüwdilär.

Dilimden düşenok aýralyk aýdym,
Gan görünýär notasynda sazymyň.
Düşinip bilemok, kemterräkmi ýa,
Çynym bilen söýmekdemi ýazygym.

Hiç haçan, hiç wagt ýadymdan çykmaz,
Şu toý mekan, şum habarly çarşenbe.
Süýjilik tortuňda özümi gördüm,
Hemem eräp barýan gijeki şemde.

Aýnada synlaman, özümi gördüm.
Ýanyp, eräp barýan gijeki şemde
"Günäkär sen" diýip gargyndym şu gün.
Seni menden alyp giden çarşenbä.

Bilmedim, nämeler göwnüň awlady.
Aglady, bagtyma garaşan günler.
Heniz ysgalmanka seň üçin ýolunan,
Söýgimiziň mazarynda dur güller.

Zibilleri dörýän itler çeýnäpdir,
Seň halaýan ýumşak "panda" gurjagyň.
Ýyldyzlar süýnende arzuw etmezdim,
Bilsedim, ýyllaryň sensiz geljegin.

Kemal Meretdurdyýew

Teswir ýazmak üçin Içeri giriň ýa-da Agza boluň →!