Dreamfull : Ynam-bu hacanda sana "Esidyanmi senin onyny biri bilen gezip yorenini gordum" diyenlerinde "Yylyrak geyinipdirmi?" diyip jogap bermegindir!

 Betinden
 Sebap [off]
 14.06.2025 / 08:04
 Lekum dinukum we liýe din

Gözüme bir ýagşy alamat ildi,
Şondandyr köñlüme heser ýeteni.
Maña kän zat wada berýän şekilli,
Galgap gitdi al şapagyñ etegi.

Belki, ýene alçy gopar aşygym,
Egsilen göwnümem doldurar hyjuw.
Egmerin hiç egilmejek başymy,
Könelmejek tenha arzuwymdyr bu.

Bilýän, ýogsa ykbal sähel salymda,
Ilki saña, soñam özgä näz eder.
Şol sebäpli durmuş oýna meñzeýär,
Emma ony oýnap bolmaz täzeden.

Bu oýna meñzeşden gözüm dokunmaz,
Äleme aşyk men, baş egýän güle.
Ahmal, ejir çekmen töhmet okundan,
Bagtym irde-giçde çökmese küle.

Gör, näçe ýyl horluk bary çekildi.
Töhmetlerem berdi bizar-peteñi.
…Maña kän zat wada berýän şekilli,
Galgap gitdi, al şapagyñ etegi.

Çary Ýegenmyradоw

Teswir ýazmak üçin Içeri giriň ýa-da Agza boluň →!