Arakkeşiň Ejesiniň nalasy

Ýürekdeş sözler!

PeRMaN : Seniň üçin ölmek bolsa ykbalym Ykbalymyň ellerinden ogşaryn...

Forum | GÜRRÜŇDEŞLIK | Erkin mowzuklar

Arakkeşiň Ejesiniň nalasy

Gerekli
Aypipijik [off]

06.02.2024 / 11:39
Жизнь шутит а мне не смешно

Dumanlap dur mydam öýümiñ içi,
Tüsse ýok edipdir,külbäniñ nurun.
Keç pelegi satyn alyp başyña,
Satypsyñ arassa ýollaryñ ugrun

Käseler çaý küýsäp,çatlap başlady,
Jaýryldy ýürekler küýsäp mähriñi.
Eneñ hiç,ylaýym eneñ gurasyn...,
Gorasañ bes gelne beren ähdiñi

Haýsy günäm üçin beýle dogduñ sen,
Il ýaly geýdirdik, iýdirdik il deý.
Guwanyp göz ýaşlar dökjekdik welin,
Nalalardan ýaña ajy ýaş sil deý.

Çagalañ islänok senden ýeke şaý,
Güler ýüz olaraiñ zerur, gyt zat.
Jan ogul bir gezek iýipmidiñ sen,
Olara urşuñdeý bisebäp şapbat

Çaganyñ atadan aglap gorkuşyn,
Biz seniñ "Saýañda" görýäris ogul.
Heý enä diýlermi akyl berende,
"Kellämi agyrtma,bar geç-de gömül!"

Elbetde gömlerin, o-da uzak däl,
Emma gorkýan soraglyja möwsümden.
"Perzent maña günä bagş etsin" diýp,
Saña spirt emdirmändim göwsümden

Tüssä gysylypdyr garypja külbe,
Indi bu öý gyzmaz, sowasa sowar.
Penjiräni ýazdyr,mañlaý şor gelnim,
Oglum ýokka girsin, arassa howa.