Eje, eshidyäñmi ogluñ sesini?...

Ýürekdeş sözler!

Felaket : Allaha guvenirsen yol alırsın insanlara güvenirsen yolda kalırsın/BSO

Forum | UMUMY BÖLÜM | Şygyryýet dünýäsi

Eje, eshidyäñmi ogluñ sesini?

Gerekli
Dreamfull [off]

09.01.2024 / 12:38
Каждому нужен кто-то, кто его выслушает.

Eje, eshidyäñmi ogluñ sesini?
Gamsyz gezip yörün Ashgabatda men.
Yandak b/n yakyp demir pejiñi,
Duluña duwlanyp oturansyñ sen.

Ya jorapjyk örüp, Ya yamag yamap,
Unutjak bolyansyñ gaygyny-gamy.
Çyranyñ peltesin galdyryp käte,
Diñ salyp, Uludan alyansyñ demi.

Diñe pejiñ shatyrdysy diymeseñ,
Gum-guklukdyr, Bilyän, içeriñ eje.
Egsilen tüñçäni dolduryp arshy,
Goyarsyñ hemishe höwürdesh peje.

Kendirik gemiryän kör syçan kimin,
Dyrmalar aynañy dasharyñ yeli.
Diwarda asylgy durandyr shindem
Kakamyñ getiren kagyzdan güli.

Bilyän, gynanç bilen çañyny sylyp,
Kagyzdan ysymy alyansyñ, Bilyän.
Ukusyz gijeler, Uzak gijeler
Hyyalyñda yene yanyña gelyän.

Yene Ashgabada uçar hyyalyñ,
Yene men barada gayga gidersiñ.
"Oglum aman bolsun! Dik bolsun bashy!
" Alladan dilärsiñ, Alkysh edersiñ.

Men bolsa ernime sigar gysdyryp,
Billiard oynamaga baryaryn baga.
Belki, Sorayansyñ häzir shol gülden:
"Hany seni sansyz ysgadan çaga?

Hany, bu hütdügiñ han ogly hany?
Indi uçurmazmy oglum batbörek?
Yekesiräp, Yetim galaymalymy
Yshkyny perzende siñdiren yürek?"

Men bolsa ernime sigar gysdyryp,
Billiard oynamaga baryaryn baga.
Shol kepbede sallançagy üwrelen
Näçe çyrçygyna çydalan çaga.

Shol tamda äleme indirdiñ meni
Shol kepbede açdym, Eje, Gözümi.
Yadyñdadyr, Begendirip baharda
Ilkinji aydyshym "eje" sözüni.

Shol kepbede durjan-durjan bolup men,
Gujagyña gollarymy geripdim.
Shol kepbede yörjen-yörjen bolup men,
Gapa çykyp, Güne salam beripdim.

Indi adam boldum, Adam boldum men.
Dogurdanam adammykam asylly?
Shol sowaly sorady añ yürekden.
Yürek dymdy, Yürek añdan basyldy.

Namys näme? Gayrat näme? Ar näme?
Bu babatda akyl berip ynsana,
Sapak geçyän, Makala-da yazyan men...
Sowulyan showhunly, Jazly meyhana.

Arpa suwnuñ düwme-düwme köpügi
Birden gözyashyña öwrülyär, eje.
Men olary ishdä bilen içyärin...
Yene yandak salyañ sen sowan peje.

Diwardaky aynadan öz suratym,
Gañyr garap, degyä meniñ degnama:
"Alym bolsañ, Ayt, eshdeli, han ogul,
Namys näme? Gayrat näme? Ar näme?"

Eshidyäñmi, eje, ogluñ sesini?
Agyr oylar dushaklayar ädimmi.
Senden uly sud yok maña, Jogap ber:
Men adammy, Men asylly adammy?

(ATA ATAJANOW) 1965y