Gytyndan Aypipijik [off] 09.02.2024 / 11:24 Durmuş doly yenil kelleden#
Sabrym sagadyna kän bakýan boldy,
Salgym atýan boldy ömrüň sen taýy.
Şat günleň ýeňsesin el ýaly eden
Gussalar
Süňňüme siňýär demsaýy.
Eliň aýasynda ýer eden ýürek,
Ýarasyna, ýamasyna seretmän,
Urup dur,
Deňine urýan buduma.
Ykbal bizi sürgün etdimikä ýa
Bulut gabaklardan, diňmäni bilmän,
Sowuk ýagyşlaryň guýýan ýurduna?
Köz galypdyr ody alnan gözümde,
Köňlüň asfalt köçesinde yzym ýok.
Umyt diýip göge uçuran guşuň
Güneşiň öňüni tutdy,
Bileňok.
Bizden näme gitdi?
Gökden-ä – ýagty.
Her kim öz agyrýan ýerini tutýar,
Agyrýan ýerim – sen,
Tutaýyn nädip?..
Indi senden alyslara çagyrýar,
Ýama tutmaz ýürek,
Ýamaly ädik.
***
Ş
Ýeri, bagryň dilip şuwlaňda näme!
Sesiň nirä ýeter?
Ýelginiň nirä?
Derdiňe kim düşer, alnyňdan dirär?!
Derdiň – suw,
Hiç kesiň topugyndan däl,
Alsa-da jahany holtumna dolap.
Sen-ä towlanarsyň hasratdan ýaňa,
A olar el çarpyp bererler jogap.
Şonda saňa tans edýänsiň öýdenler
Agyňa-da düşünmezler hazanda…
Saňa aýdym aýdýarmykaň öýderler,
Goşgudyr öýderler meniň ýazanma.
***
T
Men bagtymy tapdym – ýatan ekeni.
Oýaryp bilmedim,
Oýarjak däldim,
(Ertiriň şerinden bolup hantama,
Gör, näçe agşamyň haýryndan galdym,
(Sogaby – sanana!)
Ýöne nämüçin,
yşk badasy gysymymda çat açýar?
Nämüçin aýralyk, namart aýralyk
sen ýanymda ýok mahalyň sataşýar?..)
Içimden gygyrdym.
Daşymdan dymdym.
Dymdygymça kalbym boldy set para.
Indi gaýdyp arzym aýtman Jepbara:
Bagt diledim – yşk berdiler,
Berdiler
düýşde çekip bilmejegmi huşumda,
Men bagtymy tapdym,
Ýatan ekeni,
Ötübilmän durun indi duşundan.
***
BAGYŞLA!
Goýsana,
Aýagym hiç haçan huma oýulmaz,
Gyzyl bolup çykmaz gum diýp garbanym.
Çyndygyny giç bilerin oýunlaň,
Ýaşlygymy söýget edip garraryn.
Hyýallardan aýňalaryn, tisginip
Jübimde uwlaýan itiň sesine.
Şonda gyş oýanar göreçleriňde:
Agy – saça,
Sowgy – ýürege siňer.
Maňlaýsyz bolsamam,
Maňlaýyma gözleň garasy ýokar.
Söz berip, soň berip bilmedik bagtym,
Garga döner,
Gelip gözümi çokar.
Çokar-da, açar ol meni körlükden…
Adalatda kelle kesiji adalatly sözler, güýçli pikirler, duýguly setirler bar. Awtor biraz uzynrak oýlanmalar, pikirler, gündelik ýazgylaryny ýazy...dowamy...
Täze goşulanlar konfrensiýa gireniñizde bolmanda salam-selik edip özüñizi tanyşdyryñ. Maña näçe nomerden birlikde jañ gelýär . Onsoñ alyp ,goşup...dowamy...
Içeri gir
Agza bol
Gytyndan
Betinden.gif)
Premium
baanu [off]
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 
...