Ýürekdeş sözler!
Kerim Hally: «Kaka, uly bolmak aňsat däl eken»
GerekliAypipijik [off]
09.02.2024 / 11:26
Жизнь шутит а мне не смешно
Kaka, uly bolmak aňsat däl eken,
Seniň nanyň iýen günlemdir Jennet.
Indi iýjek bolup bir döwüm çörek,
Ondan öň iýýärin müň döwüm minnet.
*****
Kaka uly bolmak aňsat däl eken,
Durmuşyň agramy asylýar çepden.
Hemme zada çydan gaýduwsyz göwnüm,
Dik başyny egip basylýar gepden.
*****
Kaka, uly bolmak aňsat däl eken,
Wepasyz dostlardan dolupdyr daşym.
Şolaryň öňünde aşak egilýär,
Zalym duşmanlara egmedik başym.
*****
Ýaglygyn syranda düşüpdir didäm,
Käbämiň saçlaram bu gün çal eken.
Uly oýa batyp ötüpdir gijäm,
Kaka uly bolmak aňsat däl eken.
*****
Ulalmak çyndanam kyn eken kaka,
Dostlam bilen oýnamagy söýerdim.
Durmuş şo-ol çagalyk oýnum bolsady,
Ýadan wagtym “oýnajak däl! diýerdim.
KAKAÑ BAŞYÑ SYPAMASA
Ýeñsänden ýel kakyp geçer,
Kakañ başyñ sypamasa .
Ýöräp barýan ýollañ öçer,
Kakañ başyñ sypamasa.
*****
Durmuş saýlar öz merdini,
Başa täç etmez her kimi.
Iller götermez derdiñi,
Kakañ başyñ sypamasa.
*****
Gûnem gizlär ýagtysyny,
Hiç kim bermez artygyny,
Ykbal çalar şarpygyny,
Kakañ başyñ sypamasa.
*****
Ýitirip baýlyk sarpasyn,
Ah, seni kimler ýalkasyn?!
Özüñ-özüñe arkasyñ,
Kakañ başyñ sypamasa.
*****
Çözüşmez hiç kim ýumagyñ
Ýamanlar bolmaz ýamagyñ,
Dolup durar aç damagyñ,
Kakañ başyñ sypamasa.
ISLEG
Aň goýalyp, pana akyl ýetirip,
Meň kakama juda meňzäsim gelýär.
Ojagma biminnet çörek getirip,
Meň kakama juda meňzäsim gelýär.
*****
Höwes edýän halal gadam urşuna,
Zähmetden gollary dönen gurşuna,
Ýygyrtly ýüzüni synlap durşuma,
Meň kakama juda meňzäsim gelýär.
*****
Sylagy essedir hormat goýana,
Ejize el berer (gurpa daýana),
Galamymy çalşyp çopan taýaga,
Meň kakama juda meňzäsim gelýär.
*****
Müdimilik çöle çykmalam bolsam,
Sowatsyzlyk ýükün çekmelem bolsam,
Ýigrimiden kyrka bökmelem bolsam,
Meň kakama juda meňzäsim gelýär.
*****
Bu sözlem ýürekden, däldir ýasama,
Beýik arzuwlarmy gysyp, gysyma,
Ýagşy ynsanlygyñ hatyrasyna,
Meň kakama juda meňzäsim gelýär.
 122 |
 16 |
 3 |
 8 |
 0 |
 0 |
 2 |
Teswirler:
Premium
xuliganka [off]Всё, что хочешь от жизни бери и беги
09.02.2024 / 13:23
+2
Ulalmak çyndanam kyn eken kaka,
Dostlam bilen oýnamagy söýerdim.
Durmuş şo-ol çagalyk oýnum bolsady,
Ýadan wagtym “oýnajak däl! diýerdim.
ajayyp goshgy
Özümiziňkiimissyou [off]
Sylag hemme kişä, söýgi laýyk bolana.
09.02.2024 / 13:27
+0
Şeyle gowy goryanda şu şahyry
Täzejebaanu [off]
Aglamadym diysem gowudur öýütýäler
09.02.2024 / 13:45
+0
Gowy goshgy eken tuweleme
Soňky teswirler
Dogry düşün!
Gyz ozuni yeterlik derejede goramagy, erkliligi basarsa haysy niyeti bozuk oglan golayyna gelip biler? Ya-da oglan niyetini duzuw tutsa haysy nam...dowamy...
Dogry düşün!
Hazirki dowurde duygy, pikir, dusunje yaly zatlaryn ahlisi ayak asty boljak derejede ownady. Hazir dine materiya gyzykly. Ahlak,namys, mertebe bu...dowamy...
Dogry düşün!
Inda gyzam oz abraýyna özi seredenok gaýta 2-3 oglan bilen birbada gepleşip ýörler...dowamy...
Tebip rowaýat
Ýeri ýylan zäherini gudamyzyň tüýküliginden alsak, galanyny nirden tapjak?! Gyzykly tymsal....dowamy...
1nji fewral täleýnama
Asmanda ýerleşen gök ýyldyzlary, Haýrana galdyrýar akly düzleri. Täleýiňi ýyldyzlardan agtarma, Çünki sergezdandyr olaň özleri. Omar Haýýam....dowamy...
IDEALLIDER-iň toplan täsinlikleri 5
57. Almaň şänikleri zäherli hasaplanylýar. Sebäbi almaň şäniginiň düzüminde sinil kislotasy bar. Şri Dewiniň baş roly oýnan "Eje" atly kinosyny...dowamy...
IDEALLIDER-iň toplan täsinlikleri 5
56. Käte biz düýşümizde nätänyş adamlary görýärs, hem ol adamy biziň aň-düşünjämiz ýasandyr ýada başga sebäpleri bardyr öýdýäs. Emma bu beýledäl....dowamy...
