Gerekli
 Dreamfull [3m]
 12.02.2024 / 22:19
 Каждому нужен кто-то, кто его выслушает.

Menem söýdüm söýülmedik juwany,
Menden başga bagtly baryn bilmedim,
Ýöne mydam Aý astynda dostlarmyň
Söýgi hakda söhbetini diňledim.

Menem bagtly boldum ýagty dünýäde,
Menden başga bagtly baryn bilmedim.
Ýöne ot başynda dünýäni undup,
Bagtlylaryň söhbetini diňledim.

Ýok, men muny bilgeşleýin edemok,
Adamlara gulak asman bilmedim.
Begendim, gynandym, söýdüm,ýigrendim.
Elmydama özgeleri diňledim.

Indi bilenimden ýazýaryn aýdym,
Öz-özümden monça bolýan, ýeňleýän,
Ýöne sähralara çykamda, ýene
Özgäň düzen aýdymyny diňleýän.

Teswir ýazmak üçin Içeri giriň ýa-da Agza boluň →!