Ýürekdeş sözler!
Gurbannazar.E
TäzejeKevin [off]
16.02.2024 / 22:05
Görmeksiz gyz
Ine, barýaň umydyňa büdüräp,
Egniň horlugyna utanyp çala.
Uzakda orkestr joşup-titiräp,
Tans edýär owadan gyzlary bile.
Hor ellerňi çykaraňok ýeňiňden,
Olar birden ýere ýetäýjek ýaly.
Geçip barýaň ýigitleriň deňinden,
Gulaga ýakymsyz bir saz mysaly.
Undup bilmän görmeksizje doglanyň,
Ýüregiňde hoş arzuwlar besleýäň.
Geçip barýan bir syratly oglanyň
Mylakatly söz aýdaryn isleýäň.
Emma ýigitleriň öz gaýgysy bar:
Ýörite ýag bilen saçlaryn darap,
Olar wagtdanam ozup barýarlar,
Özlerniň owadan gyzlarna tarap.
Ah, horja gyz, horlugyňdan horlanýaň.
Saňa hoş söz diýjek ýigit nirede?
Bu şäherde näçe diýseň ýigit bar,
Seni öýe ugradanok biri-de.
Gyzlaram ýanyňa delmuryp gelip,
Owadan gülüşip ýüregňe düşýär.
Olar görmegini artdyrjak bolup,
Gezegine seniň bilen tirkeşýär.
Öýe gelýäň. Gyýýar ýüregňi ünjiň,
Hasratdan çekilýär iki owurdyň.
Aglaýarsyň: «Ah, eje jan, nämüçin
Meni beýle betgelişik dogurdyň?»
Emma goňşy gelin — bir görmegeý dul
Atasyz ogluna günäli bakýar.
Hem seniň tersiňe,
Gussa-gam çekýär:
«Owadan dogulma,
Bagtly dogul!»
Aglama, gyz! Uýajygym, gam çekme,
Bilip bolmaz ykbalyňy öňünden,
Bu howlukmaç ýigitlere at dakma.
Kim geçenok öz bagtynyň deňinden.
Käte şeýle bolýar: görkdür-görmek
Gidip otyr il içinde at alyp,
Ýöne, nämüçindir, tylla ýüzük dek
Ýolda,
Gum içinde galýar sadalyk.
 119 |
 12 |
 3 |
 4 |
 0 |
 0 |
 1 |
Teswirler:
TäzejeKevin [off]
16.02.2024 / 22:06
+0
Sahyr Gurbannazar Ezizow
Özümiziňkihalmyradov [off]
Durmush doly yenil kelleden#
16.02.2024 / 22:10
+0
Gowy gosgy
Premium
rexha [off]Всё, что хочешь от жизни бери и беги
17.02.2024 / 06:51
+0
nice👍👍👍
Soňky teswirler
Senem çilim çekýäňmi 
...Näme üçin kommunizm gurylman galdy
Öñ özbaşyna gara öýünde, gökje çaýyny içip otyran türkmenler, hökümeti gurmaga gelenlere "Gyzyllar geldi" diýip öz ýaşap otyran obasyndan gidip,...dowamy...
