Öñler gamlananymda ýylgyrmagyma sebäp bolýardyñ, indi ýylgyranymda gamlanmagyma sebäp bolýarsyñ. #Belki

 Täzeje
 Aurora [off]
 19.02.2024 / 10:40

Obalaryň birinde ýeke özi ýaşaýan bir garyp aýal bar eken. Onuň şu dünýäde birje goýnundan başga zady ýok eken. Goýnunyň süýdüni sagyp, gazanýan az-küş puluna zordan eklenýän eken. Obadaşlarynyň biri oňa etrap merkezinde süýdüň köpräk pula durýandygyny aýdanda, şol günki süýdüni şol ýerde satmagy ýüregine düwýär. Şeýdip, süýtli çelegi başynyň üstünde goýýar-da, ýola rowana bolýar.

Dürli arzuw-hyýallara çümüp gidiberýär, gidiberýär. «Häzir men etrap merkezine baryp, bir çelek süýdi sataryn-da, gazanan puluma bazardan ýüz sany ýumurtga alaryn. Öýe baramsoň basyrsam, ine, maňa bir ketek jüýje boljak-da! Dogrusy, oturan ýerim-ä jüýje bakar ýaly däl welin, şonda-da tilkiden seresap bolup, eýdip-beýdip jüýjeleri ondan gorap saklaryn. Aňry gitse, bir-iki sanysyny tilkä aldyrdym diýeli. Ýitirýän zadym barmy?! Galanlary maňa ýetip, artygam bolmaýarmy eýsem! Soňra men olaram sataryn-da, ýerine bir goýun edinerin. Bakyp semredenimden soň, onam sataryn. Ondan geljek pula-da bir sygyr alaýsam diýýän. Haý diýmän, sygrymam gölelär welin, gara gözlüje öküzimem bolar… Ana, şonda dünýäde menden bagtly adam bolmaz» diýip, begenjinden ýaňa bökjekläp başlaýar.

Ol barmana daşa büdräp, deňagramlylygyny ýitirýär-de, başyndaky çelegi ýere gaçyryp, çym-pytrak edýär. Elinde ne öküz, ne sygyr, ne goýun, ne-de jüýje galýar… Gara ýere siňen süýdüne, bölek-büçek bolan çelegine – ýeke-täk gazanç çeşmesine gözi ýaşly seredip oturyberýär. Barça baýlygyndan dynansoň, öz obasyna bakan ugraýar.

«Gündiziň günortany düýşürgäp ýörseň, ine, boljagy şudur. Ýadyňdan çykarma! Gazanjagyňa begenjek bolup, eliňde barjasyny gidirmekden seresap bolmaly.»

Teswir ýazmak üçin Içeri giriň ýa-da Agza boluň →!