PeRMaN : Dünýäniň has agyr emma şondada ünssizlik edilýän mesele: akylly adamlaryň aladada gezip ýören wagty, akmaklaryň hondanbärsi bolup ýörmeklerindedir.

 Betinden
 rexha [off]
 19.02.2024 / 22:32
 Forever in my mind only you🐼

Diýdiler "Ynsanmy her aglap gülen?!"
Diýdim "ynsanlyga gulak salan bar"
"Millet gülsün" diýip aglanlar bilen
Özgäni agladyp, özi gülen bar

Kä ýigitler gadryn bilmez ýarlaryň
Eýe çykyp, goramazlar arlaryn
Ýene bir zat nije merdem ärleriň
Gujagynda gül şekilli ýylan bar

Ne günlere şaýat boldy gözlerim
Diňlemezler danalaryň sözlerin
Öwretseler diňlejekdim özlerin
Emma olaň her sözünde ýalan bar

Gözün ýumup, dilin tutdy alymlar
Hakykaty ýazmaz boldy galamlar
Altyn gaşly don geýýärkä zalymlar
Ýetim galyp, buzda doňup ölen bar

Çagajyklaň ellerinde ýaragy
Hany, nirde ynsanlygyň geregi?!
Para-para eneleriň ýüregi
"Ynsap! Ynsap!" diýip bagryn dilen bar

Teswir ýazmak üçin Içeri giriň ýa-da Agza boluň →!