Göz ýaşy. | YekeTak.Ru

M.Yurekdesh.ru - 👉 Tanyşlyk Chat 👈
💥New chat..🗨 - üstünden basyp çata girip bilersiňiz:)

Ýürekdeş sözler!

Gadayly : Herkime nesip etsin Ôz sôÿen gyzy bn Bagtly bolmak Gadayly

Forum | GÜRRÜŇDEŞLIK | Erkin mowzuklar

Göz ýaşy.

Özümiziňki
Perman [off]

27.02.2024 / 18:37

Oglanjyk ejesinden sorady: - Eje, näme üçin aglaýaň? Ejesi: - Sebäbi men aýal maşgala. diýip jogap berýär. Ogly: - Düşünmedim, eje.
- diýýär. Onda ejesi ogluny bagryna basyp,
- Muňa asla düşünibem bilmersiň - diýýär. Oglanjyk kakasynyň ýanyna baryp kakasyndan soraýar. Kakasy:
- Ähli zenanlar sebäpsiz aglap bilýändir - diýip jogap berýär. Bu jogap oglanjygy kanagatlandyrmaýar.
Oglanjyk ullakan bolup ýigit çykýar. Ýöne entegem aýal maşgalalaryň näme sebäpden köp aglaýandygynyň sebäbini anyklap bilmeýär... Bir gün dünýeden ötýär. Ömürboýy anyklap bilmedik soragyny jennetde Allatagalladan soraýar:
- Allahym, näme sebäpden zenanlar aňsatlyk bilen aglap bilýärler, näme üçin köp aglaýarlar? Allatagalla oňa:
- Men zenan maşgalalary ýörite adamzat üçin aýratyn edip ýaratdym. Olar näçe kynçylyk başdan geçirse-de beýlekilere mydama göwünlik berip bilýändirler. Men zenanlara çaga dünýä indirmegiň kynçylygyna döz gelip çaga dünýä indirmegi we ezizläp ulaldan çagasynyň gadyrybilmezligine çydam edip biler ýaly güýçli ýürek berdim. Çagalary nähili erbet iş etse-de, ejeleriniň näçe köp göwnüni ýyksa-da olary gaýtadan söýüp biler ýaly söýgi berdim. Bu söýgi çaganyň ýaşyna garamazdan ejäniň kalbynda mydama terligine saklanýandyr. Zenanlary erkegiň gapyrgasyndan, olary erkegiň ýüregini gorar ýaly edip ýaratdym. Olaryň bir ejiz tarapy bolan gözýaşyny berdim... - diýip jogap berýär.
Görşümiz ýaly zenanlaryň owadanlygyny ölçeýän zat olaryň saçy, gözleri, daş keşbi däl. Olaryň esasy owadanlygy ýüregindäki söýgüsini paýlaşyp bilmegi, mähirliligi, bagyşlap bilmegi, gussalarymyzy biziň bilen paýlaşyp bilmegidir we şular ýaly tükeniksiz gowy duýgularyň jemlenmegindedir. Mähribanlarymyzyň güler ýüzi hiç haçan solmasyn!!!

#gyzyklymaglumatlar