Täzeje
 Dayko_7 [off]
 04.03.2024 / 11:24

Ölä hormat goýsaň sogaplar
Dirä hormat goýsaň mertebäň galar
Senden görüp ýaşlar sapaklar alar
Sogapda bol ýatsaň-tursaň musulman.

Synagly dünýäden gelen geçmeli
Adamlara mydam göwün açmaly
Zyýan-günä ýerden öte geçmeli
Sogapda bol ýatsaň-tursaň musulman.

Içiňem daşyňdeý päkize bolsun
Her kim seni ýagşy tarapdan öwsün
Gören senden bilim sapaklar alsyn
Sogapda bol ýatsaş-tursaň musulman.

Bu dünýä geldiň sen yza gitjeksiň
Kyýamat gününde hasap geçjeksiň
Behişt diýen jaýa ýeňil-girjeksiň
Sogapda bol ýatsaň-tusaň musulman

Şerigat kanuny eýger nakyly
Diliňde dürler seç bergin akyly
Wagyz aýdyp günde Kuran okaly
Sogapda bol ýatsaň-tursaň musulman

Muhammet derdimi goşgyda aýdýan
Başarsam ynsana ýagşylyk edýän
Göwnüme degseler bildirmän gaýdýan
Sogapda bol ýatsaň-tursaň musulman.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!