Manolya : dün deli gıbı istedıgım şey bu gün midemi bulandırıyor

 Betinden
 rexha [off]
 05.03.2024 / 17:07
 Forever in my mind only you🐼

Saňa juda haýpym gelýä kaka jan.
Göz öňimde garrap barýaň gün-günden.
Belki bir wagt paýlaşmadyk ýüklerim.
Has çökderräk basandyrlar egniňden.
Belki meniň eden ýalňyşlam üçin.
Saçyňa ak tarlar aralaşandyr.
Gyşyk ädenimde her bir ädimi.
Ýüziňe täze bir ýygyrt düşendir.
Maňlaýyňa düşen uzyn çyzyklar.
Belki meniň basan möhirlerimdir.
Käte biygtyýar syrygýan ýaşlaň.
Bir wagt duýdyrmadyk mähirleriňdir.
Durmuşyňda iň ahmyrly pursatlar.
Ejizläp gaşyňa gelenlerimdir.
Belki seni mahrum eden gujurdan.
Meniň ödemedik ynamlarymdyr.
Belki-de bu dünýä inen mahalym.
Sen menden kän zady tama edensiň.
Ýuwaş-ýuwaş şol tamalaň çykmansoň.
Göz öňimde sessiz garap gidensiň.
Saňa juda giç düşündim kaka jan.
Maý barmyka düzedere hatamy.
Juda gorkýan ýada düşse aglaýşyň.
Soňky ýola ugradaňda Atamy.

Ýazan: Mätgurban Mätgurbanow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!