Pul ber oglum ejeň bir ýyl ýaşasyn...

M.Yurekdesh.ru - 👉 Tanyşlyk Chat 👈
💥New chat..🗨 - üstünden basyp çata girip bilersiňiz:)

Ýürekdeş sözler!

Hanogul : Ey yurek!Soyyanem ozun,jebire galyanam ozun.Mende nm gunaa!!!

Forum | UMUMY BÖLÜM | Şygyryýet dünýäsi

Pul ber oglum ejeň bir ýyl ýaşasyn

Özümiziňki
halmyradov [off]

14.03.2024 / 11:21
Durmush doly yenil kelleden#

Käbäň ýatyr keselhanada dertli,
Ýygýan döwri geçdi, bugdaý hoşasyn,
Lukman, ömrün saklap biläýjek şertli,
Pul ber oglum, Ejeň bir ýyl ýaşasyn!

Bir ýyl ýaşatmaga umyt bar ýaly,
Operasia talap, edip dur jany,
Gerek bolsa satyp, bar dünýe maly,
Pul ber oglum, Ejeň bir ýyl ýaşasyn!

Elli müň dollar bes, ýeke ýyl ömre,
Pul baýlygy ejeden eziz görme!
Ýaýdanma perzendim, boýnuňy burma,
Pul ber oglum, Ejeň bir ýyl ýaşasyn!

Ulaldypdy seni, ysyy mähirläp,
Beýgeldiň, han bolduň, şäherde ýerläp,
Rak-a uçrap, käbäň hor ýatyr derläp,
Pul ber oglum, Ejeň bir ýyl ýaşasyn!

On ýyl ýygnasamam, pensiam ýetmez,
Karz alsam üzmäge, ömrüm milt etmez,
Bir ýyl başyň sypap, hiç zyýan etmez,
Pul ber oglum, Ejeň bir ýyl ýaşasyn!

Ynha, otuz ýyldyr öýden gaýdanyň,
Bizi ýeke goýduň, etmän aýdanyň,
Wah, dert tapaýdyda ýaşar öýdenim,
Pul ber oglum, Ejeň bir ýyl ýaşasyn!

Otuz ýylda soramadyk bir şaýlyk,
Pensiamyza iýdik, ýyrtyjak geýnip,
Geldim çäre tapman, öňüňe eglip,
Pul ber oglum, Ejeň bir ýyl ýaşasyn!

Diýdi ogul: "Mende pul barmy näme?"
Münýän mersedesi, altmyş müň däne,
Maşyna dözenin, dözmedi jana,
Ýöne bir janam däl, Eje ol Käbe!
Gynanýan, pul söýmek öwrülýär däbe,
Ataň bu haýyşy uçdy asmana,
Pul ber oglum, Ejeň bir ýyl ýaşasyn!

#Kerim_hally