Şu günden başla! | YekeTak.Ru

Ýürekdeş sözler!

yureksiz : Asla biriniň umydyny kesme! Belki-de ýeke-täk eýe bolan zady şoldyr..#fileo

Forum | GÜRRÜŇDEŞLIK | Erkin mowzuklar

Şu günden başla!

Öwreniji
Unknown_ [off]

15.03.2024 / 01:34

Şu günden başlap, düýnüň pikiri bilen ýaşamakdan el çek. Düýn geçmişde galdy we sen ony asla üýtgedip bilmersiň. Sen diňe özüňi üýtgedip bilersiň, ony hem eger isleýän bolsaň.

Ertiriňi alada edip ýaşama! Sebäbi ertir entek gelenok. Ertiriň senden garaşýan ýekeje zady bar, olam – eliňden gelýänini aňryýany bilen orta goýmaklyk. Ýagny şu gün eliňden gelýänini gaýgyrmazlyk.

Durmuşyň her bir pursatynyň nähili gymmatlydygyny, bu dünýäde gazanan zatlaryňy özgeler bilen paýlaşmagyň nähili bagtdygyny duýup ýaşa!

Käte torç edilen köne ýodalardan daşlaşyp, täze açyşlaryň üstünden barmagyň lezzetinden gan!

Seni ýoluňdan alyp galmaga çalyşýanlara tutanýerlilik bilen gaýtawul ber. Öňüňden çykýan päsgelçiliklere aldanyp, ýoluňdan galma!

Kalbyňy giň tut! Başyňa gelenleri kaýyllyk bilen kabul et. Özüňden hem-de özgelerden aňrybaş ajaýyplyga garaşma! Bu dünýäniň ýasalşy şeýle, bärde aňrybaş ajaýyplyk diýen zat ýok. Bir zady boýun almagyň gerek, bu dünýede bagtly bolup bilmeseň, günäkär ýene özüňsiň. Şonuň üçin hem saňa bagtlylyk duýgusyny eçiljek zatlar bilen gümra bol!

Gijä galaýma, şu günden başla.

148

Teswirler:

Özümiziňki
Perman [off]
15.03.2024 / 05:09

+0

Nesip bolsa, şu gün başlarys

Öwreniji
Unknown_ [off]
15.03.2024 / 08:04

+1

Käbirimiziň işimiziň şowlap gidibermeýänliginiň esasy sebäbini bilýäňizmi? Bu sebäp ýaşaýyşdaky käbir syrlardan bihabarlygymyzdyr.

Günüň dowamynda ýa geçmişimiz, ýa-da geljegimiz hakynda köp pikirlenýäris. Dogry gerek?! Ine, şeýdibem ýene bir güni bihal geçirýäris.

Geçmişden sapak alyp, geljegi meýilleşdirmek hem gowy zat. Ýöne hut şu günki güni hem birperwaý geçirip goýbermek dogrumyka? Şu gün nämedir bir işi amala aşyryp, ykbalymyzda nämedir bir zady özgerdip bileris ahyry!

Ýaşaýyş ― «häzir» diýmekdir. Ol geçmişem, geljegem däl. Hut, häzirki wagtdan netijeli peýdalanjak bolmaly.

Hakyky ýaşaýyş, aslynda, näme edýänimiz däl-de, nämeleri başdan geçirýändigimizdir.

Şonuň üçin hem ÝAŞAMAK diýlen beýik sungatyň ilkinji açary, hut, häzirki pursatdan peýdalanyp bilmekdir