Ýürekdeş sözler!
"Sünçäniň Suwy"
Täzejezveezda [off]
19.03.2024 / 00:00
Adamly günlerden aramy açdym, adaty günleriň gyzygy gaçdy
Bu nä gadymýetden gelýän adat deý,
Mydam akar durar Sünçäniň suwy.
Misli çaýa goşlan şeker - nabat deý,
Jana ýakar durar Sünçäniň suwy.
Çeşmeleriň belent dagdan gaýdarlar,
Tolkunjyrap şat aýdymlar aýdarlar.
Ahmal bolsaň, gujagyndan gaýdyrlar,
Ganat kakar durar Sünçäniň suwy.
Kim bilmeýär "Kyrkgyz atly" sakaňy,
Şondan dälmi daglaň bilniň bekäni.
Giňden açyp gül dakynan ýakany,
Gülüp bakar durar Sünçäniň suwy.
Gözel boýuň zowky - sapa jaýymy,
Bu Zemine berlen eşret paýymy.
Ýa - da Araz çaýynyň ekiz taýymy,
Dolup akar durar Sünçäniň suwy.
Ene ýapdyr mähir siňen mesgeni,
Şonuň bilen akar durar gös - göni.
Eziz obam, sensiň köňlüm bossany,
Güller ýakar durar Sünçäniň suwy.
Şyhmyrat Batyýew
Garagum Żurnaly 2012 ý
 111 |
 9 |
 2 |
 3 |
 0 |
 0 |
 0 |
Teswirler:
ÖzümiziňkiPerman [off]
19.03.2024 / 06:21
+1
Tüweleme, gymmatly baýlyklarmyzyñ baryna şükür, gowy waspnama ekeni.
GerekliAdminka [off]
Жизнь шутит а мне не смешно
20.03.2024 / 06:32
+1
yetrp dur
Soňky teswirler
Ykbal Sazagy
Sen su adamlara samsykdyr oydyanmi? Emeli ana yazdyran bolgusyz gosgularyndan doldurylyan yer dal barsi. Indi seytsen pozjakdyryn....dowamy...
