Täzeje
 Dreamfull [off]
 23.03.2024 / 16:05

Men bir goşgy ýazjak watan hakynda,
Sünnäläp her sözim, her bir setirim.
Gudrat gören daglaryny seýl edip,
Ymgyr düzlerinde bolup ýitirim.
Çöllerin aýlanyp paý-u-pyýada,
Guba çägä dökip maňlaý derimi.
Ak kagyza keşde çekip syýada,
Men goşga geçirjek görenlerimi.

Men bir goşgy ýazjak watan hakynda,
Goý ony okanlar doýup bilmesin.
Sygdyrjak men setirleriň içine,
Şu topragyň dagyn, düzin, jülgesin.


Men bir goşgy ýazjak watan hakynda,
Okanlar bolsun goý ülkäme aşyk.
Setirlem ýurdymyň tarypy bolup,
Dünýäni doldursyn menziller aşyp.


Men bir goşgy ýazjak watan hakynda,
Wasp edip ýazlaryn, gül-gülälegin.
Men şeýdip haklajak oň maňa beren
duzunyň miliondan birje bölegin.
Mätgurban Mätgurbanow

Teswir ýazmak üçin Içeri giriň ýa-da Agza boluň →!