Bir elimde galam, birinde çüýşe.....

Ýürekdeş sözler!

Bayradot : Ynsanyň gadryny ol ölmänkä biliň. Gadyry bilinen ynsan uzak we bagtyýar ýaşar.

Forum | UMUMY BÖLÜM | Şygyryýet dünýäsi

Bir elimde galam, birinde çüýşe..

Gerekli
Dreamfull [off]

26.03.2024 / 08:06
Каждому нужен кто-то, кто его выслушает.

Bir elimde galam, birinde çüýşe...
Kagyza egisýän ýürek jerhedim.
Dykyn alan gussam çäginden geçip,
Ýykyp barýar ahlagymyñ serhedin.
***
Hawa, ýazýan kagyz baryn zaýalap,
Çalajan söýgimiñ aglap agysyn.
Kirli geçmişimden sypyp bilemok,
Ýogsa, ondan ýaña ýüregim gasyn
***
atdy. Wah, şonda-da gidemok ondan,
Gury san men - oýlamaýan ertesin...
...Bir gyz hyýalymda näze öwrülip,
Gijeñleýär başyndaky kürtesin...
Ana, hut şo kürte meniñ armanym,
Astyndaky gyzam sebäp derdime.
Öz-özüme ezýet berýän pyşyrdap:
''Ýaşlygyñy pida etdiñ, gör, kime?''
* * *
... Henizem ýadymda şo elhenç bukja,
(Içindäki ýazgy ondanam erbet!)
Eýýäm ilki setirlerin okamda,
Süññümde ga:lmandy ýekeje gurbat.
***
Lampa aşak oturanym ýadymda,
Sandyrapdy ak bukjaly barmaklam.
(Haty gaýdyp doly okap bilmändim,
Gap bilinden geçen eken dyrnaklam...)
***
Ol bir ýöne gelen hat däldi, elbet,
Çakylykdy melegimiñ toýuna.
Doñan arzuwlarmy eretmek isläp
Oda saldym. Alawyna ço:ýuna,

gaýta has-da beter lowlapdy ýürek,
Sähel salymdanam ''partlapdym'' içden.
Çilime ýapyşdym ilkinji gezek,
Ilkinji gezegem zährimar içdim...
* * *
... Ondan bäri ençe gyşlar ötse-de,
Ençe ýazlar eçilse-de kömelek,
Aýralygyñ şo awuly yzasyn
Aram-aram duýduryp dur şum pelek...