Täzeje
 Dreamfull [off]
 26.03.2024 / 23:15

Ýene bir gün sensiz geçdi, melegim,
Düýnem ýene seni ýatlap ýatmadym.
Bölek-bölek edilse-de ýüregim,
Ynan, gülüm, biwepalyk etmedim.
❤️....❤️.....❤️....❤️......❤️...
Düýşüm diñe senli gelýär her gije,
Oña özge hakda hyýal gatmadym.
Aldasañam, daglasañam hernäçe,
Ynan, gülüm, biwepalyk etmedim.
❤️....❤️.....❤️....❤️......❤️...
Şol gün ýeke goýup gaýtdyñ şol bagda,
Sen gaýtsañam, men galypdym - gaýtmadym.
Näçe ezýet çeksemem men armanda,
Ynan, gülüm, biwepalyk etmedim.
❤️....❤️.....❤️....❤️......❤️...
Señ söýgiñden ät galsamam tamşanyp,
Özge yşklañ tagamyndan datmadym.
Örtensemem sensizlikde kemsinip,
Ynan, gülüm, biwepalyk etmedim.
❤️....❤️.....❤️....❤️......❤️...
Senden baky aýryljagma kaýyl däl,
Meni baky terk edensiñ öýtmedim.
Öñküm ýaly ýylgyrşyña maýyl däl,
Şonda-da men biwepalyk etmedim...

Teswir ýazmak üçin Içeri giriň ýa-da Agza boluň →!