Içeli-içiber | YekeTak.Ru

Ýürekdeş sözler!

PeRMaN : Gawanmana diňe wepalylar haklydyr...!

Forum | UMUMY BÖLÜM | Şygyryýet dünýäsi

Içeli-içiber

Özümiziňki
King-official [off]

11.01.2024 / 09:56
Giden gitmiştir gittiği gün bitmiştir, Ben gideni değil giden beni kaybetmiştir

Görogly:

- Howuz başynda duranlar,
Näzlim, bir suw ber, içeli!
Sözleşip, many tirenler,
Näzlim, bir suw ber, içeli!

Harmandäli:

- Howuz başynda haýr olmaz,

Düş, özüň suwdan içiber!

Her tilki-şagal şir olmaz,

Düş, özüň suwdan içiber!

Görogly:

- Elmydam derbent sakladym,

Mydam ganymy okladym,

Seniň dek näzli ýokladym,

Näzlim, bir suw ber içeli!

Harmandäli:

- Suwumy bermenem ýada,

Seniň kimin köp dunýäde,

Zorum gören geler dada,

Düş, özüň suwdan içiber!

Görogly:

-Nöker bolsam ordaňyza,

Gonak bolsam obaňyza,

Gul bolaýyn babaňyza,

Näzlim, bir suw ber içeli!

Harmandäli:

- Nöker bora ordam ýokdur,

Gonak bolsaň, obam ýokdur,

Men bir ýetim, babam ýokdur,

Düş, özüň suw içiber!

Görogly:

- Goja dagdan aşabilmen,

Ganym görsem joşabilmen,

Men bir hassa düşebilmen,

Näzlim, bir suw ber içeli!

Harmandäli:

- Aşyk bolan känden öter,

Ýaryň derdi-gamyn ýutar,

Hassa bolan öýde ýatar,

Düş, özüň suwdan içiber!

Görogly:

- Ýedi çarbendi sakladym,

Bu ýoly özüm çohladym,

Gyz-oglan seni ýokladym,

Näzlim, bir suw ber içeli!

Harmandäli:

- Pikriň bölme, men suwa bermen,

Eglenip gaşyňda durman,

Her kimsäniň ýüzün görmen,

Düş, özüň suwdan içiber!

Görogly:

- Görogly, gezdim mestana,

Emsem lebiň gana-gana,

Näzli ýar, etme bahana,

Näzlim, bir suw ber içeli!

Harmandäli:

- Bize Harmandäli diýerler,

Iki gözüňi oýarlar,

Etiň çigleýin iýerler,

Atyň öwür-de, gaçyber!