Ýürekdeş sözler!
Ýaşlyk
Özümiziňkihalmyradov [off]
28.03.2024 / 06:19
Durmush doly yenil kelleden#
Gazaply kazy deý, mydam başymda
Sagat çot kakyp dur şyk-şyk-şyk.
Düýnüň özem garaşýardym ýaşlyga,
Bu gün bolsa, geçip barýar şo ýaşlyk.
Bir zada düşünýän:
şowhunly günler
Al atymy çapyp ýören haladym,
Öňümden çykana gül ýaşlygymy
Hormat edip, sowgat kimin paýladym.
Jomartlygym üçin «sagbolsunlara»
Ýüzüm göge tutup göçer ýörerdim.
Ýaşlygymy gerekmejek dostlara
Hem boş söhbetlere seçer ýörerdim.
Öwgülerden humar bolup, gijeler
«Alyň!» diýip, kişiň gapysyn kakdym.
Ýaşlygmy gül edip, jomartlyk bile,
Söýmeýän gyzlarmyň döşüne dakdym.
Men ony boş gijelere paýladym.
Men ony
Boş gürrüňlere paýladym.
Ine, bu gün uly döwletden galan
Köpüklermi ahmyr bilen sanadym.
Neçün beýle bolýar? Ilki ýalňyşyp,
Soňra ökünç bile egilip ýörüs!
Jaýymyzy çilim çekip, tüsseläp,
Soňra tüssämize bogulyp ýörüs!
Ah, bu gün säherem şeýle bir çytyk,
Bolaýmagy mümkin tüýs ýagyşly gün.
Ýaşlygymyz ýitirenok hiç zady,
Biz özümiz ýitirýäris ýaşlygy...
Gurbannazar Ezizow
 171 |
 13 |
 5 |
 6 |
 0 |
 0 |
 1 |
Teswirler:
Täzejekralice [off]
28.03.2024 / 06:27
+1
Hakyky
Özümiziňkiimissyou [off]
Sylag hemme kişä, söýgi laýyk bolana.
28.03.2024 / 06:32
+1
Biz özümiz ýitirýäris ýaşlygy...
:best:
Premium
rexha [off]Всё, что хочешь от жизни бери и беги
28.03.2024 / 06:36
+0
Говы👍
TäzejeEpifiZ [off]
"Life Without Reality"
28.03.2024 / 06:38
+0
:thumbsup:
TäzejeEzi [off]
28.03.2024 / 15:43
+0
Shu sahyryn sungatyna asyk,, seyle bir yazyar, mylaymlyk yureklerdaki duwunleri cozup gidyar mumkin dal.. yone biz ona 45-50% dushunenmizde Seyle, 100 % dusunsem Nahilika tasiri
Soňky teswirler
Ykbal Sazagy
Sen su adamlara samsykdyr oydyanmi? Emeli ana yazdyran bolgusyz gosgularyndan doldurylyan yer dal barsi. Indi seytsen pozjakdyryn....dowamy...
