Ýürekdeş sözler!
Şöhrat
Özümiziňkihalmyradov [off]
28.03.2024 / 06:20
Durmush doly yenil kelleden#
Şöhrat näme, bilemok,
Ýaşap ýörün dünýäde.
Gözüm açyp görenim
Şu zemindir, şu asman.
Gelin geldi uz ýaşynyp,
Elinde tylla bada,
Maňa oňat sözler diýdi,
Saçym sypap bir zaman.
Men oňa bar git diýdim,
Işiň bilen bol diýdim.
Işim başymdan agdyk
Galamym iş küýseýär.
Ol gözüni güldürdi.
Gel, goýnuma dol, diýdi,
Beýle gelin saňa aşyk
Bolup gezer niçezar.
Seniň saçyň sypaýyn
Öpeýin gül ýüzüňden.
Doý sen meniň näzimden,
Entek, entek pursat bar.
Tüweleme, işläbildiň,
Il ruh aldy sözüňden
Indi saňa meň goýnumda
Humar bolmak ýaraşýar.
Onuň otly gözlerine
Bakdym — ine aşyk men!
Ýöne erkim jemläp şonda
Bar duýgymy otladym.
Bar, git, diýdim, sen örteme,
Kowdum ony işikden,
Emma zaňňar maýa gelin
Penjireden ätledi.
Köňül şu gün geplemese
Aýt ahyr, joşsun haçan?
Geçer gider diýýärin
Deň-duşlarym deňimden.
Tüýs bihaýa gelin eken
Ýedi derýaň suwun içen,
Men-ä ondan gaçyp ýörün,
Olam mydam öňümde.
Tüýs men diýen ýaşymda men,
Goşguçy men, aşyk men.
Kärim şeýle, gyzlary
Wasp etmeli misli bagşy.
Ýöne beýle bihaýany
Görmändim men şu güne çen,
Şol gelin meň ygtyýarym,
Erkimi almasa ýagşy.
Gurbannazar Ezizow
 154 |
 7 |
 4 |
 5 |
 0 |
 0 |
 0 |
Teswirler:
GerekliAdminka [off]
Жизнь шутит а мне не смешно
28.03.2024 / 06:30
+0
:dovolen:
Premium
rexha [off]Всё, что хочешь от жизни бери и беги
28.03.2024 / 06:37
+0
Онат👍
Özümiziňkiimissyou [off]
Sylag hemme kişä, söýgi laýyk bolana.
28.03.2024 / 06:40
+0
:kul2:
TäzejeEzi [off]
28.03.2024 / 15:37
+0
agras shahyr Sohratparazlygy agraslyk bilen beyan edipdir... Gowy!
Soňky teswirler
Ykbal Sazagy
Sen su adamlara samsykdyr oydyanmi? Emeli ana yazdyran bolgusyz gosgularyndan doldurylyan yer dal barsi. Indi seytsen pozjakdyryn....dowamy...
