ÝUMRUK ÝALY NABAT...

👉 Tanyşlyk Chat (üstüne bas)👈
💥New chat..🗨 - üstünden basyp çata girip bilersiňiz:)
Söýgüli chat

Ýürekdeş sözler!

Dreamfull : Her derde deva olan şey; sarımsak mıydı, sarılmak mıydı? Karıştırdım.

Forum | UMUMY BÖLÜM | Şygyryýet dünýäsi

ÝUMRUK ÝALY NABAT

Täzeje
FENX [off]

30.10.2025 / 11:19

Syrkawladyň, ýaş gelindiň bäbekli,
Durmuşmy ýa kesel aldy haýyňy,
Hyk-çok edip, keşde çeken bolýardyň,
Agyrylaň beren wagty maýyňy.

Çagaňa-da mätäç bolduň şo günler,
Bileňokdyň eýläňe-de öwrülip,
Kakamam şol eklenç güzeran üçin,
Säher bilen çykyp gidýär sogurlyp.

Öýüň uly gyzy sekiz ýaşynda,
Çaý demleýär köýnegine çolaşyp,
Seň çaý içýän gök güllüje käsäňi,
Äkelýänçäk otyrardyň garaşyp.

Soramana gelip-gidýän goňşulaň,
Ýumruk ýaly nabat berdi birisi,
Uşaklarny şeýle berdiň elimize,
Eliň bilen döwüp berdiň irisin.

Dişlerimiň arasynda kytyrdap,
Eräninde ýaýrap gitdi süýjüsi,
Elleriňde şire bolan külkäni,
Ýalanyňy görmän galdy hijisi.

Biz geň galdyk, birje paýlyk kem çykdy,
Sen ýalňyşan bolduň bilýädiň sanap,
Körpäň paýyn süýde garyp beripdiň,
Aglaýan jigimi döşüňe ýanap.

Sen soňam çaý içdiň aýagňy salyp,
...Ýadyma düşende aglasym gelýär.
Indi nabat tapsam gysymma salyp,
Eje öýe tarap ylgasym gelýär.

Ogulnur Ataýewa