Ýürekdeş sözler!
TOÝ ETSEM, SAŇA AÝTMARYN
ÖzümiziňkiGulmahrem [off]
01.11.2025 / 09:05
Toý etseň, maňa aýtma...
(Aýdymdan)
Meni jan-dilden söýüpdiň
Indem söýmersiň öýtmerin.
Toý etseň «Aýtma» diýipsiň,
Toý etsem, saňa aýtmaryn.
Çykyp yşkyň meýdanyna,
Ynanyp seň idäniňe,
Zar bolsam-da didaryňa
Toý etsem, saňa aýtmaryn.
Seret, söýgüde bir şert bar,
Yşga düşen kişi mert bor,
Aýtsam, dert üstüne dert bor,
Toý etsem, saňa aýtmaryn.
Ykbala bagty bagladyp,
Duşmanyň keýpin çagladyp,
Çyn dostlary gan agladyp,
Toý etsem, saňa aýtmaryn.
Soňky sözümi aýdyp men,
Bilýän, gelmerin gaýdyp men,
A sen gelersiň öýdüp men,
Toý etsem, saňa aýtmaryn.
Bir sen küýüm-küçäm bolar
Bilmen heran-haçan bolar
Syryň ile peçan bolar,
Toý etsem, saňa aýtmaryn.
Başarmadym köňül bermän,
Ýok ekeni yşga derman,
Galdyryp içde müň arman,
Toý etsem, saňa aýtmaryn.
Şähribossan GELDIMÄMMEDOWA
 155 |
 18 |
 1 |
 7 |
 1 |
 0 |
 1 |
Teswirler:
ÖzümiziňkiFantom [off]
Wagtyňyzy manysyz geçirmäň, çünki her bir pursat altyndan gymmatlydyr...
01.11.2025 / 18:25
+1
Bu şo Hangeldi toýlyýebyň aýdymyna jogapmy ýada başga zady gözegine tutylanmy?
Ajaýyp bolupdyr, menä haladym.
ÖzümiziňkiGulmahrem (01.11.2025 / 19:41)
Fantom, hawa, şoňa jogap edip ýazypdyr. Şahyryň öz okamagynda-da diňläp gördüm. Şonda özi aýdypdy.
Soňky teswirler
Toba.(Hekaya)
Geliň şu hekaýadan ugur alyp biz hem eden ähli günälerimiz üçin toba geleli, Allahymyň toba gapysy kyýamat gününe çenli açykdyr...dowamy...
“Mydama çörek berjek hünär” / durmuşy tymsal
Gynandym sonuny okap. Okanyna degyan hekaya eken. Serdar aga salam bolsun!...dowamy...
