Ýürekdeş sözler!
OGLANJYGYŇ ARZUWY...
ÖzümiziňkiGulmahrem [off]
01.11.2025 / 09:18
Bir oglanjyk çörek alyp gelýärdi,
Köçäniň çepinden, sagyna geçdi.
Köçäň gyrasynda lowurdap duran,
Täzeje maşyna, gözleri düşdi.
Hyýallar älemine, çümdi oglanjyk,
Täze maşyn, oň erkine goýmady.
Aňyrdan göründi, geýnüwli ýigit,
Oglanjyk oň geleninem duýmady.
"Saňa meniň ulagym ýarady öýtýän?"
Gele-gelmän, oglanjykdan sorady.
Soňrasynda üstjagazny timarlap,
Buýsanç bilen maşynyna garady.
"Meniň bir agam bar, işi şowuna,
Bu ulagam maňa, onuň sowgady.
Soňra jübüsinden aýna çykaryp,
Emaý bilen saçjagazny gowlady.
"Hawa ulagyňyz juda owadan,
Geljekde meniň hem..." diýeni şoldy.
"Şonuň ýaly dogan arzuw edýänsiň",
Ulumsylyk bilen üsdünden güldi.
"Ýok-ýok, beýle däl, meniň hem jigim bar,
Geljekde, şuň ýaly ulag sowgat ederin.
Seň ýaly guwanyp, güjeňläp ýörmän,
Seniň agaň ýaly zähmet çekerin.
"Geljekde jigim hem maňa guwanar" ,
Diýdi-de oglanjyk, öýne howlukdy.
Haýran galyp, ulagna sereden ýigit,
Buýsanmaň deregne , bu kez hopukdy.
Dawutmuhammet Muhammedow
 143 |
 14 |
 3 |
 6 |
 0 |
 0 |
 1 |
Teswirler:
TäzejeNikli [off]
01.11.2025 / 09:27
+1
Yerinde otyrdypdyr diymek oglanjykdan bir zat cykar
ÖzümiziňkiGulmahrem (01.11.2025 / 09:32)
Nikli, hawa
ÖzümiziňkiFantom [off]
Wagtyňyzy manysyz geçirmäň, çünki her bir pursat altyndan gymmatlydyr...
01.11.2025 / 18:30
+1
Nirden alýaňyz bunuň ýaly gowy goşgylary? saňa aýtmarn-a gözlegji tapmady :(
ÖzümiziňkiGulmahrem (01.11.2025 / 19:38)
Fantom, göwnüme ýaran goşgularymy gören ýerimden alaýýan zametkama :)
ÖwrenijiOrazik [off]
,,Gaty arkayyn Buba"
05.11.2025 / 23:59
+0
On bir yerde okapdym
Soňky teswirler
Toba.(Hekaya)
Geliň şu hekaýadan ugur alyp biz hem eden ähli günälerimiz üçin toba geleli, Allahymyň toba gapysy kyýamat gününe çenli açykdyr...dowamy...
“Mydama çörek berjek hünär” / durmuşy tymsal
Gynandym sonuny okap. Okanyna degyan hekaya eken. Serdar aga salam bolsun!...dowamy...
