Ýürekdeş sözler!
KÄBÄM!
ÖzümiziňkiGulmahrem [off]
05.11.2025 / 10:50
Waspyña şygyrlar ýazasym geldi,
Dert başymdan agyp geçdi-le käbäm!
Dostlaryñ ahwaly gijiräk belli,
Köp kişi ynamdan gaçdy-la käbäm!
Mätäjem öwüt ber sypap saçlarym,
Sen bar ahyr özgä syrym açmaryn.
Baglarda saýran nije guşlaryñ,
Gadyry bilinmän, uçdu-la käbäm!
Çarhypelek bat berdi-de çarhyna,
Aýlady daşyma gamdan çarçuwa,
Yrýa saýdym yş görünse şam çyra,
Eregen şem bolup, öçdü-le käbäm!
Baglar güllese, galkynyp göwnüm,
Menem bolar öýtdim ömrümde öwrüm,
Ýagşy niýetleri ýüregme göwdüm,
Armanlar saralyp, bişdi-le käbäm!
Uludan dem alsam geñirgenmegin
Ýokuş gördüm, dünýäñ hilegärligin,
Ökünçli bar bolsa biri mendirin,
Ýalançy aýbyny aşdy-la käbäm!
Suraý AMANAKOWA
 71 |
 10 |
 0 |
 6 |
 0 |
 0 |
 1 |
Teswirler:
Mowzukda teswirler ýok! Siz ilkinji bolup teswir ýazyň!
Soňky teswirler
Matallar 1-nji bölüm
Hazir in sonunda biri gelip hemmesinin yazanyny yzygiderlikde yazyp dolduryp goyar...dowamy...
Köýen arzuw
Daşyndan göremde magnit ýaly çekdi diýsem, Gumlygelin gelnejäniň goşgusy ekeni))...dowamy...
...Matallar 1-nji bölüm
1. Göz 2. Çaga 3. diş, dil 4. iki eliň on barmagy 5. Dodak 6. Göz 7. Hat 16. Suw 17. 1 ýyl, 12 aý, 365 gün, hepdeler,...dowamy...
