Täzeje
 Gulmahrem [off]
 Şugün, 10:50

Waspyña şygyrlar ýazasym geldi,
Dert başymdan agyp geçdi-le käbäm!
Dostlaryñ ahwaly gijiräk belli,
Köp kişi ynamdan gaçdy-la käbäm!

Mätäjem öwüt ber sypap saçlarym,
Sen bar ahyr özgä syrym açmaryn.
Baglarda saýran nije guşlaryñ,
Gadyry bilinmän, uçdu-la käbäm!

Çarhypelek bat berdi-de çarhyna,
Aýlady daşyma gamdan çarçuwa,
Yrýa saýdym yş görünse şam çyra,
Eregen şem bolup, öçdü-le käbäm!

Baglar güllese, galkynyp göwnüm,
Menem bolar öýtdim ömrümde öwrüm,
Ýagşy niýetleri ýüregme göwdüm,
Armanlar saralyp, bişdi-le käbäm!

Uludan dem alsam geñirgenmegin
Ýokuş gördüm, dünýäñ hilegärligin,
Ökünçli bar bolsa biri mendirin,
Ýalançy aýbyny aşdy-la käbäm!

Suraý AMANAKOWA

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!