Ýürekdeş sözler!
Seniñ salamyñam almak islämok…
ÖwrenijiHuzur [off]
10.11.2025 / 13:48
Akylyň öýi)
Salamda Tañrynyñ ady bar diýrler,
A señ salamyñam almak islämok.
Unudyldy seni söýlen döwürler,
Indi adyñy-da bilmek islämok.
Elbetde ki, haýyr bardyr şer işde,
Saña aklym haýran, añym dürüşde.
Nädip, syr bildirmän aýnap bilýärsiñ,
Bir oýnam söz bilen oýnap bilýärsiñ.
Maña hasap berjek bolma mönsüräp,
Gyşda didelemde buz bolup doñan,
Gursagymdan syzlyp gan bolup dömen
Bir bigäne geçmez ýaly ýañsylap.
Ýuwdunan gözýaşlam özümki bolsun,
Hasabyñ-hesibiñ özüñki bolsun.
Çekseñ bir özüñ çek, biwepalygyñ,
Ýükün atjak bolma özgäñ omzuna.
Barmyş, bary-ýogy bir sapalygyñ,
Sen bilýänem dälsiñ, gussañ deñzine.
Agy kylyp, bokurdakdan ýuwdanym,
Dünýämi gark eýläp taşlap gaýdanyñ.
Nätseñ şeýt, ýol seniñki her işde,
Kebzäñden tutanda Duman perişde
Aljyraman berseñ bor-la hasabyn.
Eger dalda isläp baksañ her ýana,
Kim bolarka şonda saña perwana
Men ýeñledip bilmen ýöne azabyñ.
Şol wagt özümi diläp Hudaýdan,
Daş bolaryn seniñ kimin gedaýdan.
Hem-de begenerin Iblisiñ ogşan,
Alkymyña basmanyma eñegmi.
Syratyñ myhmandyr bir günde lagşar,
Ýer gysymlar göge tutan temegñi.
Maña duşan taýsyz ýalanam bolsañ,
Ýalandan ýüzüme gülenem bolsañ,
Çözlüp durmasa-da her salan düwnüñ
Gamly pursatyñda gamlanar göwnüm.
Ýogsa-da aýtsana, kim gurdy hile,
Almasam-da seni Tañrydan diläp
Haçan seni menden aldylar dolap?
Ýañy geljek bolup durkañ bu ile.
Geldiñem, başgady ýöne görjegiñ,
Mähriñi mugtuna özgä berjegiñ.
Del demlerden alan mähir-hyrujyñ,
Gizlärin öýtdüñmi synçy gözümden.
Ýa tapmaz öýtdüñmi başga alajyn,
Men añypdym ilki aýdan sözüñden.
Duýdum gijem bolsa ýene bir zady,
Ger söýseñ panyda bir perizady
Hakyñ söýgüsini unudyp bir dem
Ýalan söýgülere göwün ýüwürden
Men ýala beriljek jezady meger
Razy Ýaradandan bu jeza bilen
Kalbyma sanjylan bu yza bilen
Soñlap, gelejegmi ýagtyltsa eger.
Girmänime sebäp eýlär keremne,
Bu dünýäniñ Şetdat salan Eremne.
Sen ýene gel, geler öýtme gaharym,
Miltem etmez, kalbym duran ýerinden.
Gonalgañda howasyn sor şäheriñ,
Hakyñ yşky geçip durka serimden.
Öz dünýäme gümra bolar gezerin,
Men ýazaryn, ýöne bir zat ýazaryn.
Yşk nedir bilene, çakaryn çawuş,
Diýerin: — Bu ýalan, durmuşy ýalñyş.
Bakmañ göz-gaş kakyşyna Iblisiñ
Berjegi bir posa, bir oýnam şygyr,
Bolmak islemeseñ misli güñ, sagyr,
Gaçyñ deñesinden beýle müflisiñ.
Bu yşka düşenden düşmäniñ ýegdir,
Kalbyna erk eden soltandyr, begdir.
Diñlänler tapylar, diñlemedigem,
Düşer sen tetelliñ guran toruna.
Jahan giñ, hiç zady geñlemedigem,
Elbet, bir gün her kes durar ýerine.
Ýöne ýene bir zat aýdaýyn saña,
Tötändenem bolsa sataşyp maña.
Gorjalanmaz ýaly pikir-oýlaryñ,
Gaşlañ bürüşdürmez ýaly roýlaryñ.
Men taşlap giderin bu ak şäheri
Ine-gana bärik geleriñ ýaly,
Ýalandan şat bolup güleriñ ýaly,
Ýaşat diýip geldi-geçer bahary.
Şemalladyp ýagyr bolan arkamy,
Hem atynyp bukup goýan hyrkamy.
Hydyr gören daglañ kemerlerinde,
Haky ýada salar gezer ýörerin.
«Enel-Hak» at salar damarlarymda,
Säher gözýaşymda ýüzer ýörerin.
Sabada syn edip Günüñ dogşuna,
Aglaryn goşulyp ýazyñ ýagşyna.
Hem şapagy synlap ikindinara,
Salam göndererin Gözel dildara.
Ýöne göz ýetirdim bir zada ilki
Seni öz dünýämden gyrkyp zyñmaly
Şeýtana el beren nebsi ýeñmeli,
Gözel dildar, şonda bagyşlar belki…
Şoñ üçin salamyñ almak islämok,
Hatda adyñy-da bilmek islämok…
 146 |
 26 |
 4 |
 9 |
 0 |
 0 |
 1 |
Teswirler:
TäzejeMizan [off]
10.11.2025 / 22:01
+0
Şoñ üçin salamyñ almak islämok,
Hatda adyñy-da bilmek islämok…
Adyny bilmeýärdiňizmi öň?
ÖwrenijiFantom (11.11.2025 / 03:17)
Mizan, nemedä, türke ýenä gidip adyny zadyny üýtgedip gelýän biz üçin indi geň dälä?!
ÖwrenijiFantom [off]
Düşünjäň düşünjäm bilen deňleşende düşünersiň... 👋
11.11.2025 / 03:15
+0
bennäň sabyr käsesi dolypdyr ýaly...
"Hem şapagy synlap ikindinara,"
Bagyşlaň welin, ikindin nähiýli şapak bar? ýa siz закат ýäni güniň batyşyny gözegine tutdyňyzmy?
öňde biri: Säherler ýaldyrap şapak doganda, meni süýji arzuw bilen oýarýar diýädi...
ýa ol adam ikindin turaýýamykaraý?
mendä bir içi ýanyp gaharnam hiçkimden çykaryp bilmän derdini gizläp kagyz bilen paýlaşan adamyň h
TäzejeMizan (11.11.2025 / 10:28)
Fantom, günüň dogan wagty we batan wagty emele gelýän gyzyl owadan ýeriň adyna şapak diýilýär
ÖwrenijiFantom (12.11.2025 / 11:21)
Mizan, minnetdar. kop sagbolun!
ÖwrenijiFantom (12.11.2025 / 12:11)
Mizan, Dogrydyr, men zokatmy diýip ýäni güniň batyşyny gözegine tutýanyny soradym, ýöne ikindin wagty şapak barmy diýen soragma deňziň gyrasynda ikindi wagty, has dogrysy güniň ýaşmagna 45 minut galanyndan täää batyp şo jahan garaňka gaplanýança syýnlamak örän täsirli diýip maňa gürrüň berdiler.
TäzejeAylar77 [off]
11.11.2025 / 06:58
+0
mlds
ÖzümiziňkiDaniel [off]
Her kynçylykdan soñ , ýeñillik bar!
11.11.2025 / 09:12
+0
Salama jogap bermeli
ÖwrenijiFantom (12.11.2025 / 12:15)
Daniel, Elbetde, waleýkum diýersiňle, emma bärde başgarak zady gözegine tutan bolmagy mümkin. Ýäni, gabatlaşmak islämmok, we şm...
Soňky teswirler
Eger 18 ýaşym gaýdyp berilse... (Parodiýa)
Deň etmän duş etmez Pis pisi tapar, suwam pesi...dowamy...
Eger 18 ýaşym gaýdyp berilse... (Parodiýa)
Agşam 11 den gijä galaýsaňdagy bar onsaň hormatlylar....dowamy...
Eger 18 ýaşym gaýdyp berilse... (Parodiýa)
Şu zatlary 18-ýaşdakam okan bolsam bolmadymy. Iller özlerini aýap, oňarýan ekenler))...dowamy...
Eger 18 ýaşym gaýdyp berilse... (Parodiýa)
(@Fantom aganyň "Uzyn teswir ýazyp bilmezlik" wirusy maňa-da ýokuşaýypdyr öýdýän :) )...dowamy...
Eger 18 ýaşym gaýdyp berilse... (Parodiýa)
Öňler telewizorda türkleriň çykaran bir üýtgeşik kinosuny türkmençä geçirip görkezerdiler. Ady ýadyma düşenok welin biz Açar kino diýerdik. Şol k...dowamy...
Bir arapdan_Bir şarapdan №9
Gahar usdi bilen diylen sozler edilen hereketler kawagt garshyñdakyñ yuzunem achayya oña näme diyjek hojam. Birem indiki temamyz yok diyip bilmey...dowamy...
