Özümiziňki
 Daniel [off]
 24.11.2025 / 15:19
 Her kynçylykdan soñ , ýeñillik bar!


Sen tomusda bahar bolup sataşdyň,
Bir mylaýym howa doldy içime.
Bagtlylaryň hataryna gatyşdym,
Alkyş aýdyp seni dogran ejeňe.

Gyzyl-dörjük edip arzuwlaň için,
Ýedinji gatyna uçdum-da gögüň,
Ganat beren gyzy dograny üçin
Ejeňi ýene-de alkyşlap ýörün.

Seňem söýmegiňi bildim gazanyp
(Eý-ho!
Söýülmekde ýedi jennet bar!).
Maňa aşyk boljak gyzy doguran
Ejeňe müň...
Ýok, millionlap minnetdar!

Ykbalymyň şowly çykan bijesi,
Owadan enäniň owadan gyzy!
...Bagtymyzy çatjak şol toý gijesem
Ejeňden kän ýola bolaryn razy.

16.11.2025ý.


©Sapa HOMMADOW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!