Öwreniji
 Huzur [off]
 29.11.2025 / 18:32
 Akylyň öýi)

Şygra salyp, seniň waspyňy sözläp,
Bägül dek keşbiňi bahardan gözläp,
Hatda garaşýanym özümden gizläp,
Men saňa garaşdym, saňa garaşdym.

Sebäpkärim aglamaga, gülmäge,
Sen öwretdiň tiken näme, gül näme,
Süýji arzuwlary gaplap dünýäme,
Men saňa garaşdym, saňa garaşdym.

Gün nurly gündüzim, Aýly gijämem
Saňa bagly ykbal atly bijämem.
Meger şoldur ylham atym tijänem,
Men saňa garaşdym, saňa garaşdym.

Aýlawyna düşdük agras pelegiň,
Bu günler çalşyp dur düýnüň deregin.
Beýik Biribardan diläp geleriň,
Men saňa garaşdym, saňa garaşdym.

Ilmyrat Babaýew

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!