Forum | GÜRRÜŇDEŞLIK | Erkin mowzuklar

Yslam dini ýaňy ýaýrap başlan döwürlerinde, geçmişiniň agyr ýüki bilen ýaşaýan bir adam Pygamberimiziň ýanyna gelýär. Bu adam öz taýpasynyň abraýly ýaşulularyndan biri bolan Kays bin Asymdy. Ol eýýäm musulman bolupdy.
Kays Pygamberimiziň öňünde dyza çöküp, göz ýaşlaryny saklap bilmän, özüniň on üç sany gyz perzendini öz elleri bilen diriligine topraga gömendigi baradaky elhenç hakykaty gürrüň berýär.

Onuň iň soňky gyzy bilen bolan wakasy bolsa, iň daş ýürekli adamy hem agladyp biljek derejede sarsdyryjydy. Kays şeýle gürrüň berýär:

Men uzak sapara gitdim, aýalym bolsa göwreli galypdy. Men ýok wagtym aýalym bir gyz çagasyny dünýä indirýär, emma menden gorkusyna ony gizläp, daýylarynyň ýanyna ugradýar. Maňa bolsa çaga öli doguldy diýip habar berýärler. Aradan ýyllar geçdi, men öz gyzymy görmedim we ony öli diýip hasap etdim.

Bir gün men öýde otyrkam, garyndaşlarymyzdan gelýän gaty owadan, mähirli we saçlary örülen bir gyzjagazy gördüm. Onuň gözlerindäki mähir meni geň galdyrdy. Aýalym çydaman, bu meniň öz gyzymdygyny boýun aldy. Ilki bilen ýüregim ýumşady, emma şol wagt içimdäki jahyllyk gorkusy we ile näme diýerin diýen boş abraý duýgusy oýandy. Bu gyz ulalyp maňa utanç getirer diýen pikir bilen, ony öldürmegi ýüregime düwdüm.

Men gyzymyň elinden tutup, ony daýylaryňyň ýanyna äkidýärin diýip aldap, uzak çöle alyp gitdim. Gyzjagaz bolsa hiç zatdan habarsyz, öz kakasynyň elinden tutup, bökjekläp, begenip gelýärdi. Bir ýere ýetenimizde, men çuň bir çukur gazyp başladym. Gyzym maňa geň galyp seredýärdi we Kaka, näme üçin bu çukury gazýarsyň diýip soraýardy. Men oňa jogap bermedim.

Gazýan wagtym sakgalymyň arasyna we eşigime çägeli toprak saçyldy. Şol pursatda gyzjagaz özüniň kiçijik elleri bilen meniň sakgalymyň topragyny kakyp, eşigimi arassalap başlady. Ol meniň onuň ölümüni taýýarlaýandygymy bilmän, maňa öz mährini berýärdi. Emma meniň ýüregim eýýäm daşa öwrülipdi. Çukur taýýar bolanda, ony göni içine okladym. Ol çukyryň içinden Kaka, meni taşlama, maňa näme edýärsiň diýip janhowryna aglaýardy. Men bolsa hiç zada seretmän, onuň kellesiniň üstüne toprak atyp başladym. Onuň iň soňky kaka diýen sesi ýatýança, men topragy dökmegimi dowam etdim.

Bu gürrüňi diňlän wagty, Pygamberimiziň gözlerinden ýaş akyp, sakgalyny ezýärdi.

Maglumat çeşmesi:
Bu sarsdyryjy waka Yslam taryhynyň iň meşhur hadysalaryndan biri bolup, ol birnäçe taryhy we hadys çeşmelerinde ýazylypdyr. Esasy çeşmeler:

1. Ahman bin Hanbeliň Müsned atly kitaby.
2. Darekutniniň Sünän kitaby.
3. El-Isaba fī Tamyīz el-Sahāba (Ibn Hajar al-Asqalani).
Şeýle-de bolsa, käbir taryhçylar bu wakanyň dürli wariantlaryny belläp geçýärler, ýöne esasy mazmun — Kays bin Asymyň öz gyzlaryny gömendigi we Yslam bilen bu ýaradan gutulandygy hemme çeşmede birmeňzeş tassyklanýar.

Fantom,Tåsirinden çykmasy kyn hadyslaryñ biri. Sagboluñ.

Fantom, doly okamaga çatmady gurbat

IDEALLIDER2, Dogrydyr. ýöne şu adamlar özleri meýletin zorlykly we şm, saýtlara girip şeýle elhençlikleri nädip görüp bilýärkä diýärin käteler.

Durmyşyň ajy hakyýkatlaryndanam sapak almaly, ýöne her zadyň çeni çaky bar.

Estagfrullah

Jahyllykdan, yone inni guramalar we kanun tarapyndan zenanyn hukuklary doly goralan (azajyk çendenasada), taze swilizasiya doremese bu yagday gaytalanmaz derejede goralan

Ahmal,Ýöne şuña gelýänçä ençeme gyz perzentleri gurban gitdi.

Bu ýagdaýyň adamlaryň düşünjesinden aýrylmagynda,Pygamberimiziň (Muhammet.s.a.w.) adyny tutmazlyk gelişmeýär!

Yunus, Digry aýdýañ. "Gyz perzent kakasy ücin Jennediñ açarydyr" diýilip gyzjagazlary halas eden Pygamberimize soñsuz Salam bolsun.(Sallallahu aleýhi wa sallam).

Shu wagt owganistandada gyz söýüshse diriligine gömýäler diýärler sholom çynmyka

Diriligine gömülmek elhenç jenaýat, ýöne başga bir görünmeýän hakykat hem bar, şol gömülen çagajyklar gönümel Jenneti bolýar. Gömülmedik bolsa onuň dowzahy bolmak ähtimallygy hem bar. Adamyň ömrüniň maksady Jenneti gazanmakdyr, bu ýalançy dünýä geçijidir. 100 ýaşasaňda sagyňdan soluňa bakança bolmaz diýýär Magtymguly.

Diriligine gömülen gyz çagalar — adamzadyň ýüregindäki gara sahypa

Edil beýlede däldirle.
Olar ýaly taryhy hatalar her zamanda-da, her kowumda-da boldy wagtynda.

Bilemok, muny häzir näme üçin ýatlanyňy. Birhili araplaryň jahyl wagtyndaky içki ahlak prinsiplerini bumatgy yslam araplar, umuman başga musulmanlara ýatlatjak bolmak öz ýerinde dogry däl. Bilmeýänlere ýigrenç döretmegi mümkin, şol döwür bn häzire baha berjek bolar.

Ýöne başga taraplaýyn ybrat, hikmet alaryn diýse, onda başga gürrüň

Meselem;
Her bir dinsiz jemgyýetiň şolar ýaly nyfaklary bolýar. Din bolmasa, ynanç bolmasa adamlar wagşylaşyberýär.
Adamlar belli bir derejä ýetmeli, onsaň Allatagala "täzeleniş" üçin bir pygamber, bir kitap, bir din ibermelidiginiň wagty gelendigini bildirýär.
Hemme pygamberlerem şeýdip geldi..

Lut kowmuny ýatlaň?!
Gyz çaga gömmekden has beter utançlyrak ýagdaýdadylar. Erkek erkegi münýärdi. We bu çydap bolmaz derejä ýetdi we ýenede "täzeleniş" gerek boldy...

Basmacy, Gorkmadyk sylamaz diýen ýaly

Basmacy, Lut kowmy şuwagta biziñ aralarymyzdada tapdyrjak.

Oglan maşgalanyň ýolbarsy, möjegi, bürgüt goragçysy, gyz bolsa maşgalanyň namys-ary hem baýdagy. Oglanlar, erkekçe boýun alaýalyň, eje-kakamyz garrap, ýatan ýerlerinde düşeklerini hapalasalar, olaryň yzyny arassalajagymyz az-azdyr. Emma gyzlar hökman arasslar, gelejekde gyzlarymyz biziňkini hem arassalar, ogullarmyz zordan deger.