Bilmezmiñ | YekeTak.Ru

👉 Tanyşlyk Chat (üstüne bas)👈
💥New chat..🗨 - üstünden basyp çata girip bilersiňiz:)
Söýgüli chat

Ýürekdeş sözler!

LaDy : Şunu hep hatirlat kendine: '' kendine yaslanan dik yurur''

Forum | UMUMY BÖLÜM | Şygyryýet dünýäsi

Bilmezmiñ

Özümiziňki
Mawy [off]

12.04.2026 / 20:35
Dymmak iñ güýçli sesdir.

Galam alyp, namany
gönderdigim bilmezmiň?
Efsun urup, hüthütni
inderdigim bilmezmiň?
Arş üstüne galdyryp,
mündürdigim bilmezmiň?
Tört gije, üç gün aglap,
diňdirdigim bilmezmiň?
Eşek münüp, Isa dek
ýeldirdigim bilmezmiň?

Mejnun kibi sährada
aglaý-aglaý gezdigim,
Gözüm ýaşyn merjen deý
düzüm-düzüm düzdügim,
Warka kimin Gülşadan
ölüp, umyt üzdügim
Joşgun berip yşk odun,
gaýnap-gaýnap gyzdygym,
Şibli kibi bir dagy
ýandyrdygym bilmezmiň?

Hüthüt kimin Pereňden
Çyn-Maçyn diýp bardygym,
Bag içinde Bylkysyň
saçyn açyp gördügim,
Süleýmanyň tagtyndan
sözläp, habar berdigim,
Guş gonsun diýp başymga,
bilbil heňin gurdugym,
Çarşenbe gün çaş wagty
gondurdygym bilmezmiň?

Surahnyň arkasynda
Mejnun gurdy jadyny,
Bismilla diýp başlady,
çagyrdy ustadyny,
Hakdan gaýry bir kimse
eşitmedi dadyny,
Kyrk aşyk nagra çekip,
şugla urdy oduny,
Göz ýaşymdan suw alyp,
söndürdigim bilmezmiň?

Şirwan hanyň söwdasy
ne ajaýyp söwdadyr!
Gyldan bir ýan agdyrsa,
kyýamat gün ryswadyr,
Ýüz ýigrimi sap gurlup,
her sapda bir gowgadyr,
Aşyklygyň joşguny akmaz
uýgun derýadyr,
Bir jurgadan kyrk aşyk
gandyrdygym bilmezmiň?

Ýetilmemiş şunkarym,
gamyş ganat-ak türpek,
Dünýä meni taýdyrdy,
bir ýanym etdi urpak,
Jany jiger köýüban, tartar,
gan goýmaz torpak,
Her tikenden ýüz gunça,
her kyrk gülden bir ýarpak,
Dagy-daşy eleýip,
öndürdigim bilmezmiň?

Magtymguly, sözleýir,
dokuz pelek Zöhresi,
Ýedi ýyldyz gardaşy,
Aýyň, Günüň parasy,
Nury-didäm ýagtysy,
ak gözümiň garasy,
Aby-zemzem çeşmesi,
Sapa, Merwe arasy;
Süleýman dek ähdimni
syndyrdygym bilmezmiň?

Magtymguly. Pyragy.