ÖzümiziňkiMawy [off]
16.04.2026 / 14:28
Dymmak iñ güýçli sesdir.
Bu dünýäde käbir adamlar bolýar… olar ümsüm ýaşaýar. Olaryñ barlygy has köp ýokluga deñeçer bolýar. Olar ömrüniñ ýaşan döwründe sessiz ýaşasalarda, gidenlerinde bütin bir dünýäni boş goýup,uly bir ses döredip gidýär. Mawy gyz hem şolardan biridi.
Mawy… öz ady bilen,özi ýaly, göwünleri serinledýän, ýürekleri rahatlandyrýan, deñiziñ sypaýy,mylaýym tolkunlaryny ýadyña salýan bir gyzdy. Ol mylakatlydy, sözleri hiç haçan ýürek döwmezdi, göwün ýykmazdy. Ol agyr başlydy, her ýagdaýda sabyrly, paýhasly, giñ göwünli durmagy başarýan gyzdy. Ol gözel göwünlidi, onuň kalbynda erbetlik üçin ýer ýokdy.
Ol ýaşaýarka, köpler onuň gymmatyny doly duýmadyk bolmagy mümkin… sebäbi ol özüni görkezýänlerden däldi.Ol sada hem sessiz gyzdy. Ol sesini çykarman, kömek edip, söýüp, düşünip,düşünüşip ýaşaýardy. Emma onuň ýoklugy… sessizje ýüreklerimizi gyýýar.
Mawynyň gülküsi indi diňe ýatlamalarda ýaşar. Onuň ýyly sözleri,mähirli häsiýeti indi diňe kalplarda orun alar. Onuň ýumşak ýüreginiñ orny bolsa, bu dünýäde bir boşluk bolup galar.
Käwagt iň gowy adamlar ir gidýär… sebäbi bu dünýä olaryň päkligine dar gelýän ýaly.
Mawy, sen diňe bir adam däldiň… sen bir duýgudyň. Sen bir ýagtylykdyň. Indi ol ýagtylyk bu dünýäde söndi… ýöne başga bir dünýäni ýagtyldar diýip umyt edýän.
Mawy, öz ýalñyz başyna ýaşaýan,garypja otagynda, ýazyñ gara bulutly, ýagyşly güni, ýeke ōzi ýalñyzlykda aradan çykdy.
Merhum gyz Mawy, nähili göwni açyk, ýüzi ýagty, alçak häsiýetli bolsada, onuñ dosty-ýary, ýakyn jorasy ýokdy. Onuñ iñ ýakyn syr berip, syr alyşýany, içini döküp, derdini paýlaşýany bu onuñ kitaplardy. Sessizligi, ümsümligi halasada, hak-hukuk ugrunda adalatsyzlyklara öz güýçli sesini goşanlaryñ biridi. Ol adalatsyzlyga, kemsidilmäge, adam ynjytmaga düýbinden garşy gyzdy.
" Ìl-ulusdyr dosty-ýary ýekäniñ" # M.Pyragy. diýip şahyryñ belleýşi ýaly Mawynyñ dosty we ýakynlary onuñ töweregini gurşan ynsanlardy.
Goý, seniň ornuň jennetde bolsun. Seni tanaýan her bir ýürekde bolsa sen hemişe ýagşy pikirler, owadan duyĝylar bolup müdümi ýaşa...
Temadan daş düşmäñ! ✓Mawy
 128 |
 29 |
 3 |
 5 |
 0 |
 0 |
 1 |
ÖzümiziňkiFantom [off]
Ýalňyşmakdan gorkup, biz ýene bir gezek ýalňyşýarys...
16.04.2026 / 16:38
+1
Eger setirleriň arasyndan okamaly bolsa, saýty taşlap gitjek diýen many görünýär...
Ýöne bu hakykata näçe % ýakyn?
Aslynda syr alyp berişmeklik bu ýakynlaryň känligini aňlatmaýar ähwetin? çünki diňe gepleşibem öz derdiňi aladalaryňy we şm ýeňledip bolýara.
Depreýsiýanyň iň gowysy şo ýakynlanda ýekelikde az wagyt garaşyp ony ýeňip bilseň geçer gid
ÖzümiziňkiMawy (16.04.2026 / 18:01)
Fantom, şo ýakynlygyñ % ni üýtgäp dur, bellisi ýokda)
ÖwrenijiKapiro [off]
Allah diýene Allah ýetişer
16.04.2026 / 23:07
+2
Adamlaryň köpüsi ýaşaýşymyzyň many-mazmunyna nädogry düşünýär. Näme üçin ýaşaýarlar we näme gazanyp gitmeli, ömrüniň baş maksadynyň nämedigi hakda asla pikir etmeýärler,eger pikir etselerde nädogry pikir edýärler . Bu zatlar barada ýeketäk dogry düşünje berýän Yslam dinidir .Adam Allahyň buýruşy ýaly ýaşamasa nähili gowy adam bolsa bolybersin,nähili atly-abyraýly ýa millarder bolubersin şol adam bu dünýäden betbagt bolup,ahyreti dowzahydyr, bu zatlary men aýdamok Allah bildirýär . Kä adam diýýär mollasumaklar ony diýýä buny diýýär diýip, molla-ahun özünden zat aýdanok Allahyň dini we Kurany Kerimde aýdyşyny bildirýär. Sözüň gysgasy hakyky bagtyýarlyk özüňçe ýaşamaklyk ýa ile görä ýaşamaklyk däl-de bizi bu dünýä getiren ,ýaşadan we ýene özüne hasap üçin dolajak Allahyň buýruşy ýaly ýaşamakdyr, başgaça ýaşaýyşda diňe soňky puşmanlyk we soňsuz betbagtçylyk garaşýandyr.
ÖzümiziňkiMawy (17.04.2026 / 18:39)
Kapiro, Dogry.
Premium
Orazjan [off]Sapby soranjaň
18.04.2026 / 19:31
+0
Garaz, gowy adam bolmak kyn-da...
Pul gazandyrýan saýtlar
Bizde mümkinçilik ýok. Ýaňy özümize mümkinçilik döredip başlaýasam welin saýty ýapmaga mejbur edýärler. Ýogsa türkmen webmasterlerem dünýä ýüzüne...dowamy...
Duzak / gysga hekaýalar
Terjime gaty gowy däl, bökdeýän ýerleri kän. Ýöne hekaýalar juda manyly, ajaýyp....dowamy...
Bir gyzyñ gündelik ýazgylaryndan.
Haladym, duýgylandyrdy. Şular ýaly durmuşdan duýgyly setirleri okamagy halaýan, paýlaşanyň üçin minnetdar....dowamy...
Tötänlikmi ýa-da Takdyr?
Eöw näme ökjäňiz bilen pikirlenýäňizmaý. Nämesi geň taň mynyň. Eger olar kiçilikden bir şäherde ýaşan bolsa we Disney şol döwürde iň uly atraks...dowamy...
