Özümiziňki
 Gulmahrem [off]
 21.09.2024 / 23:10

Soradylar menden: "Bagt näme?" diýip, Aljyradym, şonda jogap tapmany.
Yöne okuwçykam "Bagt -- ejem!" diýen,
sözler bilen doldurardym tagtany.

Şonuň üçin häzir "Bagt" diýilse,
Ilki bilen, ejem düşýär ýadyma.
Adymda göterer ýörerdim bagty, Bagtygül dakylan bolsa adyma.

Iň bagtly günler ejeli günler,
Iň bagtly günler şolaň barlygy.
Bagta çalym edýän gül keşbi bilen,
Bezeýärler olar bütin Barlygy.

Yene-de beräý-dä, şol sowalyňy!
Indi aljyrama:n, berjek men jogap. Meňzeşligi üçin ejemiň bagta,
Men bagt sözüne edýärin togap.

...Sorasalar menden "Bagt näme?" diýip, Aljyraman, indi tapmany jogap.
Elimi ýüregmiň üstüne goýup,
Diýerin, "Enäni söýmeklik sogap!".

Ogultäç Oraztaganowa

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!