Nesip : Işlemän ýatanyň özi – iş.@nesip

 Betinden
 Sebap [off]
 Düýn, 23:30
 Lekum dinukum we liýe din

Minaraň oýunda bardy bir ak tam,
Giden bir hatardyk enem ikimiz.
Gumalak jübt çyksa, geljekdi atam,
Paljagaz atardyk enem ikimiz.

Palyň yzyn arzuw bilen ýetirip,
Faşistleri dowzah sary ataryp.
Jeňde galan atam jany getirip,
Bal güne batardyk enem ikimiz.

Daň atandan ýyldyz çykýança işläp,
Ot-çöpden ýüklenip gelerdik giçläp.
Guş gördüm çagasyn agzyna dişlän,
Ondan has beterdik enem ikimiz.

Ökdedik gowaçaň düýbüni dörmä,
Kämahal birgadyr gelerdi «arma!»
Normasyn dolana berilýän ýarma:
Arkaýyn ýeterdik enem ikimiz.

Bişirende gökli somsa, jejene,
Kömekleşmän bormy, heý-de, ejeňe?!
Sary waharmanlar ýükläp eşege,
Bazarda satardyk enem ikimiz.

Biri-birindedi mähiri-gözi,
Şeýle bolaýsady dünýäniň ýüzi.
Şu gün gördüm goýun bilen bir guzy,
Şeýdipjik ýatardyk enem ikimiz.

Haýsydyr bir sähetli gün, gowja gün,
Biz bilýärdik haýyr işiň oňjagyn.
Bir abraýly ýigdiň saklap ojagyn,
Är işin bitirdik enem ikimiz.

Italmaz AKMYRADOW.

Teswir ýazmak üçin Içeri giriň ýa-da Agza boluň →!