Altyn gutarsa näme satarys...

Ýürekdeş sözler!

Мерет : Сен Йурек усса Дал, йурекде буламак Биширян Ашпез!

Forum | GÜRRÜŇDEŞLIK | Erkin mowzuklar

Altyn gutarsa näme satarys

Täzeje
Mishel [off]

Şugün, 09:36

Adam tebigatyň önümi. Adamy tebigat kemala getirdi. Adam tebigat kanunlaryny hasaba alyp bu kanunlary bozman ýaşamaly.
Tebigat bu janly zat. Ol özüni goramana ukyply. Haçanda adam tebigat kanunlaryny bozsa tebigat özüni goraýyş çärelerini görýär.
Emma adamlar nebsine kowalaşmany bilýän jandar. Adam özüni tebigatdan ýokary tutmak isleýär. Bu isleg adamyň nebsiniň aşmagyndan gelip çykýar.
Arada daşary ýurtlaryň birinde altynyň nähili gazyp alnyýandygy gördüm. Bir topar ullakan tehnikany bir ýere jemlapdirlar. Ýer gazýan tehnikalar altyn bar diýip hasaplanýan ýeri gazyp alýalarda bu topragy ullakan maşynlara ýükläp derýa boýuna daşaýarlar. Bu ýerde ullakan nasoslar bilen derýadan suwy sordyryp alyp ýokary basyş arkaly altynly topragy ýuwýalar. Birnäçe müň tonna toprakdan alynýan altynyň mukdary ujypsyz birnäçe kilogaram altyn.
Şu birnäçe kile altyn üçin ýer gazýan tehnikalar, topragy daşaýan tehnikalar bir topar kerosin we benzin ýakýalar. Benzin we kerosiniň ýananda çykýan zyýanly tüsseler adamyň dem alýan howasyny zaýalaýar. Tehnikalaryň hereketi wagty tozan asmana galýar. Bu tozan ýene howany hapalaýar. Asmana galan tozan we zyýanly gazlar bulytlar bilen birleşip we ozara magnitleşip şu ýeriň asmanynda duryp galýalar. Haçan bu zyýanly gaz we tozan has köpelen wagtynda atmosfera basyşyny ýa ýokary edýäler ýada peeldýäler. Bu bolsa güýçli ýeliň döremegine getirýär. Güýçli ýeller ýene asmana tozan galdyrýar. Hapa tozan asmana galyp zyýanly gazlar bilen hapalanyp ýene ýere düşýäler we derýalaryň suwyny hapalýar, ekerançylygy guradýar, ýeri gatadýar.
Bularyň hemmesi ýerden birnäçe tonna altyn alanymyzdan bolup geçýär. Altyn satyp peýda görjek diýip öz ýaşaýan daşky gurşawymyzy ýaşamak üçin ýarawsyz edýäris. Suwy bisarpa tutyp ony hem zaýalaýarys hem mukdaryny azaldýarys.
Mundan daşary ýerleri agyr tehnikalar bilen gazýan pursadymyzda jandarlaryň ýaşaýan ýerrini elinden alýarys, jandarlary we ösümlikleri gyrýarys.
Şu aýydanlarym elbetde altyn almak üçin edýäris. Eger bu edýän işimiza adamyň ahlak talabyndan ugyr alyp düşündirsek adamyň haky özüni tebigatdan ýokary tutmana we öz nebisi üçin tebigaty zaýlamana we jandarlary öldürmäne. Gynansamda bu zatlara düşünýän adamlar az. Biznes diýen bolup, özlerini halka peýda getirýan kişi bolan bolup aslynda özüniň jübüsini galyň etmek üçin tebigaty aýawsyz gyrýan adamlar bar.
Bu adamlar elbetde hiç kimi diňlemäýär. Olara güýç ýetmeýär. Olar biznesi goraýan kanunlar bilen mäkäm goralan. Ýöne ynha altyn gutarar. Tebigy baýlyklar gutarar. Onsoň olar näme satyp biznes ederler. Şunysy gyzykly.
Öň aýdyşym ýaly bu durmuş gyzykly.